هنا

[الملاذ الاخير]

قصائد حسينية مكتوبة 2014-2015 لليلة العاشر من محرم .. ووداع الحسين لاهله (عليهم السلام )


&&&&
(1)
جنت بحماهم مامر عليه الظيم جنت بحماهم
واتبع خطاهم مرني يحادي النو ك واتبع خطاهم
&&&
ريض ياحادي النوك عندي وصيه
بلكت تمر مناك للغاضريه
واكعد اكبال الجود ذيج المسيه
وابچي بچي عل حسين والبيه بيه
مااظن نساهم كلبي يون لليوم مااظن نساهم
&&&
ريض ياحادي النوك عندي وصيتين
وحده لكمر عدنان والاخره لحسين
ارد انشد العباس عن جوده والعين
من شافه ابو السجاد ابلايه جفين
واسمع بجاهم حسين وحضن عباس واسمع بجاهم
&&&
ريض يحادي النوك مرني عل اخوتي
حسره الي بالدلال واعلن شكوتي
يمه اكعد وارثيه وبعلو صوتي
وين الكفنلي اليوم مو كربت موتي
واندب وراهم واصرخ واصيح بصوت واندب وراهم
&&&
مرني يحادي النوك للمشرعه وياك
ارد ابجي عالعباس يم النهر ذاك
اندب واصيح ابصوت ياخويه جيناك
الشمر يحدي وياي من عكب عيناك
حامل لواهم عل المشرعه مطروح حامل لواهم
&&&
من عكب عينك صار اظلم محلنه
باب ولعد لحسين وانته بالجنه
يالعل نهر مطروح كوم افتح النه
جيتك يخويه اليوم جدمي تعنه
محد رواهم من عكب جف عباس محد رواهم
&&&
ياابو الفضل جيناك وا شكي العليه
كوم افتح النه الباب يبن الزجيه
جيتك يخويه اليوم زينب سبيه
جفك يبعد الروح تفديه اليه
دمعي دواهم جفوفك ياابو الكلفات دمعي دواهم
&&&
خادم اهل البيت
ابو علي السعيدي
&&&&&&&&&&&&&&&&&&&&&&&&
(2)
بعد حرق الخيام واركاب النساء والعليل ع سبايا
&&&&&
حال زينب ع تناشد
***
خويه عل الهزل هل اليوم لاارض الشام ودوني
واطفال وحرم وياي ياعباس ترضاهم يجتفوني
انذال وكفر وارجاس كوم اللي مشت وياي يحدوني
اشوفن بس لميض السيف وعليهم تنظر اعيوني
بزجر ياخويه من امشيت حتى من يكلموني
عرفوني بت علي الكرار واخت البطل عرفوني
عليه من يصيح بصوت كل ظنهم يذلوني
وبيكم ياعجيد الكوم كلساع يذكروني
يناشدني عليك اهواي واعرف ليش نشدوني
كل كصده يكلي وين عباسج يبت حيدر يبجوني
***
الك ياابو الفضل ياخوي..حنيت
ومثل حن الفصيل اعليك..حنيت
الك راسي وجدم ياخوي..حنيت
بتراب اللحد ذيج المسيه
***
ركبت عل الهزل والارض..مايت
وكالولي اخوج البطل..مايت
عساني لكربله ياخوي..مايت
وتركتك عالنهر جثه رميه
&&&&&
اطفال وعطاشه اتصيح نريد الماي اسكونه
تصيح بصوت ياجداه بلكت لن يرحمونه
من حرالتعب والجوع يمكن غارت اعيونه
شابحه ويعض ابهام وبالحاله شفت لونه
تغير حاله جي عطشان وروحه اصبحت مسحونه
وعليل وياهم السجاد بقيدونه يقيدونه
ولن ساعه وسمع هالصوت وعليهم ينادونه
رمح اللي عليه الراس واكف مايحركونه
مانفهم شنو الحال رايدكم تفهمونه
كاللهم طفل بالكاع طاح وانتو تدرونه
يفكد كل طفل وياه ابوي الحادي بضعونه
راح فتشو بالحال وكف لمن تركبونه
&&&
حسين العين شابحه..عليهم
اطفال وفكد فاكدهم..عليهم
جثير اهموم حامله..عليهم
يكفد كل طفل ذيج المسيه
&&&
حسين العالم بكل شي..وداري
وهوه الحادي بضعونه..وداري
يزينب لو عدتي لبيتي..وداري
سلامي لفاطمه بنتي ورقيه
&&&&&&&&&&&&&&&&&&&&&&&&
(3)
يرحمه الباري النــزلت دمعته
او واسه ابو اليمه بهاي محنته
&&&&
يرحمه الباري الشــــارك بالعزاء
من طفل والشاب تحزن والنساء
ويذكر مصيبـــــــة سيد الشهداء
ويقره القصه تعرف امته
&&&
يقره القـــــــــــــــصه على مر السنين
شلون ضحه بروحه واطفاله الحسين
ويذكر اشلــــــــون العزه لاام البنين
من دخل بشر اشلون اتلكته
&&&
ويذكر امصاب العقيله وي الكفيل
ويذكر اهموم اللي صارت عالعليل
وينذكر عباس لو صـــــــاح السبيل
وينذكر جوده وحالت جربته
&&&
وتنذكر قصتج رقيه على المله
بعد ما سارت وتركت كربـــله
بالالم والنوح حـــسره معلعله
ماتت عالراس يوم الشافته
خل نحجي لزينب وحال الحرم
شلون من حركو علـــــيه هالخيم
تصيح ياعــــــباس ياراعي العلم
كوم لااختك خويه هيه نادته
&&&
نادته بحركه وبحـــــــــــسره وتكول
كوم ياخويه ا وســــــويلي الحلول
امي سرتني وكالتلي البتــــــــول
يمج الكافل اخوج ورايته
&&&
يامصاب حسين اكبر هالدروس
وحد الاسلام دمه و ي النفوس
شارك ويناه وانت من جلوس
وارخص بيمناك صدرك دكته
&&&
الطم عالصدر واذكر هالجروح
واذكر العطشان وبدمعك تلوح
وانزل الدمعات ويانه وتنوح
واصرخ امصابك هاي ساعته
&&&
خادم اهل البيت
ابو علي السعيدي
&&&&&&&&&&&&&&
(4)
حشم على الطاح باارضج كربله
وحشم العــــباس عطشانه هله
&&&&
وين جودك كوم خويه ارويه
هاي سكنه العطـش هالماذيه
تحشم اتصيح ومـنو يشكيه
بس ابو فاضل تصيح العايله
&&&
صاحت ام كلثوم وتريد الجواب
تزيد ونه عليـــــك وتكثر عتاب
كوم ياعــباس شد على الرجاب
وشتت الفرسان كله بالفله
&&&
شتت الفرسـان فك قيد العليل
كوم يلالله بساع خويـــه يالكفيل
واسطر الانـذال بجـفك واليعيل
كوم يلالله وياهه احدي القافله
&&&
كوم زينب نادتك صوت وتصيح
كوم يابو الغيره ياليث وجريح
كوم يابدر الهواشـــــم لاتطيح
اختك من الظيم هسه معلعله
اختك اتنادي يبن حيدر علي
تحشم بصوت الظليمه يالولي
راحت الخـــوان وتفركو هلي
وعن ابو فاضل ياهو الاسئله
&&&
عن اخوي وساعـدي ردت الخبر
عفى كلبي شلون وعليكم صبر
يبقى يومج كربله دروس وعبر
لاان نهر العلكمي بدمه امتله
&&&
اه منج كربله وعيني التشوف
توحدة انذال رصت هالصفوف
تجمعت لحســــين الاف الالوف
ذوله اشرار الخليقه اهل البله
&&&
ذوله اشرار الخليقه بكل العصر
نسل ابن مرجانه ويزيد الشمر
ذوله الظلام ذوله اهل الكفر
شلون زينب طبت اليوم المله
&&&&
خادم اهل البيت
ابو علي السعيدي
&&&&&&&&&&&&&&&&&&&&
(5)
ريتك ريتك..انه انتخيتك.. ريتك ريتك..خويه بحميتك
&&&&
خويه يعباس.كل هاي الارجاس..تنظر عليه
يوم انسبينه..خويه انولينه..من ا ل أميه
حادينه وينه..حادي الظعينه..هاي المسيه
تسالني الناس..عنك يعباس..شنهو البديه
صاحت صاحت زينب يخوتي
صاحت صاحت الكم شكوتي
&&&
خويه النوايب..وي المصايب..الهن رهينه
ياحال الاضلوع..حنته الدموع..منهن روينه
شفت الرزايا..وهول المنايا..دارن علينه
حاله عجيبه..اصبح غريبه..غايب ولينه
ناحت ناحت كل البوادي
ناحت ناحت السبع الشدادي
&&&
عمرك فنيته..خويه وفديته..لله ورسوله
اخر كلامك..توصي باامامك..بكلمه خجوله
ناديته مولاي..اعذرني عالماي..ترجو قبوله
زينب عفته..خويه اتركته..شنهي النكوله
راحت راحت تحدي الظعينه
راحت راحت اختي حزينه
&&&
خويه دليلي..وينه كفيلي..وينك يعباس
سوده الليالي..عكبك يغالي..تاجي عل الراس
يوم العرفتك..خويه انه اختك..حاطتني حراس
كلبي تفطر..ياخويه وانطر..تسالني الناس
طاحت طاحت حتى الثريه
طاحت طاحت بالغاضريه
&&&
سكنه حزينه..تساليني وينه.. زينب كفيلج
راح من اديه..يااختي الابيه..شديلي حيلج
طايح عل الكاع..مبتوره الاذراع..زيدي بونينج
حزن الصميده..يختي نعيده..الله اليعينج
شافت شافت طايح وليهه
شافت شافت ينده عليهه
&&&
خادم اهل البيت.
.ابو علي السعيدي
&&&&&&&&&&&&&&&&&&
(6)
اليوم اراويه العده..كربله اظل الشاهده
أي وحك ام البنين..اي وحك دم الحسين
خلي اسمي اتردده
&&&
اي وحك دم الرسول.. أي وحك ظلع البتول
اي وحك فحل الفحول..اي وحك كل النصول
أي وحك الثائرين..نطالب بدم الحسين
أي وحك كل والده
&&&&
باسم سيد الانبياء..باسم اصحاب الكساء
باسم سيد الاوصياء..باسم كل الاولياء
باسم ثارات الحسين..استمع هذا الانين
باسم اركان الهده
&&&&
اليوم يايوم الوعد..اليوم يسمع بن سعد
اليوم ربي من شهد..اليوم ماينفع عدد
اليوم اكر الظالمين..واندب اصرخ ياحسين
اليوم اراويه الرده
&&&&
اليوم اطبن للقتال..اليوم اراويه المحال
اليوم يايوم النزال..اليوم مشهود السجال
اليوم رب العالمين..ينصره الساند حسين
اليوم بيدي احدده
&&&&
انه معروف الكفيل..انه ابن حامي الدخيل
انه اشفي كل عليل..انه انطيت القليل
انه ابن ام البين.. انه خادم للحسين
انه لحسين الفده
&&&&
ندري بحسين النجاة..ندري بحسين الحياة
ندري احنه للمات..ندري بحسين الصفاة
ندري نسل المرسلين..والسبط هوه الحسين
ندري بالجاري وسده
&&&&
خادم اهل البيت
ابو علي السعيدي
&&&&&&&&&&&&&&&&&&&&&&&&&&&&
(7)
الي جنـحان هالرفن...منسـماي
الجربه اتكول وجفوفي..منسماي
كله تلوذ لو سمــعت..منسماي
عباس البطل ذخر الزجيه
&&&
فديت اجفوفك لزينب..واهل بيت
وكلت بلكت تشرب ميه..وهلبيت
كطعت ابتوت من كلبك..وهل البيت
بقه بجفك كطعت الهم هديه
&&&
شفت ارسوم عودي..وانحب الهه
شفته غرب الحــادي..وانحب الهه
الخوه البيني وبينك..وانحب الهه
انكطع لوبعد بيه ظنه اليه
&&&
راح الجــان ولزينب...يسرهه
بكلام الطــيب والخوه...يسرهه
الاشد واعظم سده عليهه...يسرهه
وتطب مجلس يزيد اشلون هيه
&&&
بعد مامـش لعد الحجي ...شراي
عكب احسين صار الشهد...شراي
حرت شنهو العمل ياخوي...شراي
اضل اهنا لو امشي سبيه
&&&
جرح ينزف ييمه وجرح...يداي
لون يدري بوليي انكتل...يداي
بدم نحرك يخويه صبغت...يداي
ولطمت على الوجه باثنين اديه
&&&
ثكل حملي يخويه اهموم...وي راح
وبديت اعصر الراح براح...وي راح
اخوي وجــان الي ربان... وي راح
عكب عينك يخويه امشي سبيه
&&&
الدهر وياي عملاته...عمله
بناتي لااخوه يمـهه...عمله
ريت السهم بعيوني...عمله
ولاشوفن يمر يومك عليه
&&&
اخوي اللي فده الجفين....وي عين
طاح ولا بكالي سند.... وي عين
يخويه ابلا مرض بالروح....وي عين
الشماته ومن اطب ديوان اميه
&&&
خادم اهل البيت
ابو علي السعيدي
&&&&&&&&&&&&&&&&&&&&&&&&&&&&
(8)
بت الزجيه تحشم تصيح بصوت بت الزجيه
مامر عليه جان وين اخوي الحيد مامر عليه
مادره شبيه لاسئل عن الحال مادره شبيه
عله خفيه من فركتك لليوم عله خفيه
صابت اديه شلت جميع اعضاي صابت اديه
ذيج المسيه اذكرت عباس ذيج المسيه
دارت عليه ياخويه هاي الكوم دارت عليه
واشكف بديه يضربني كام السوط واشكف بديه
حامي الحميه اندبت انه حسين وحامي الحميه
مابعد جيه شعطلك شبطاك مابعد جيه
يتشفه بيه ترضه الشمر بالسوط يتشفه بيه
حال الرزيه يحالي هذا الصار حال الرزيه
ردت المنيه ولاانسبي وروح ردت المنيه
من ال اميه والمر يحدي وياي من ال اميه
شر البريه وجوه اشوف اليوم شر البريه
اصبح سبيه من بعد راعي الجود اصبح سبيه
للغاضريه عيوني العمه ولاجيت للغاضريه
خويه الشفيه بيك الامل معقود خويه الشفيه
الناصبيه رجعت اليوم اتريد الناصبيه
اتهدم بيه عكب السبي نت اجديد اتهدم بيه
خادم اهل البيت
ابوعلي السعيدي
&&&&&&&&&&&&
(9)
اكبل علينه محلاته راعي الجود اكبل علينه
باسمه حجينه هل الكمر بالنور بااسمه حجينه
لااخته الحنينه يكله عد عيناج لااخته الحنينه
انطاهه عينه ويكله فدوه تهون وانطاهه عينه
وارخص يمينه واليسره للحوراء وارخص يمينه
بلغ اسكينه العذر منه انريد بلغ سكينه
كله ادينه مبتره من الساك كله ادينه
هل مااجينه تعذرني طاح الجود هل مااجينه
احنه الوفينه بالجسد حتى الروح احنه الوفيه
لاتهم بينه بلغ اخيتي وكول لاتهم بينه
ادري حزينه ياطارش من تروح ادري حزينه
عنهه بطينه يوم تعرف منعود عنهه بطينه
كلهه شحجينه بلغه يامولاي كلهه شحجينه
لا تنطرينه كله الكمر هل غاب لاتنطرينه
لااهل المدينه اوصيه انه اوصيج لااهل المدينه
لاامي الحنينه اوصيه بالحوراء الاامي الحنينه
تتكفلينه حملي الكفلته اسنين تتكفلينه
تتعذرينه مااظن ابدا والله تتعذرينه
كلتيه لينه افد العمر لااحسين كلتيه لينه
مااظن نسينه اوصيتج بالروح مااظن نسينه
لو ذكرتينه لااختي امعني الشوف لو ذكرتينه
من تربينه عشرت عمر واسنين من تربينه
وشكد حجينه هنا كعدنه اهناك وشكد حجينه
وحشه وحزينه اصبحت يمه الدار وحشه وحزينه
امفاركينه بيت الوفه والطيب امفاركينه
خله تنعينه وتصرخ تصيح حسين خله تنعينه
لاتبجينه ام الوفه الحوراء لاتبجينه
منقول
لخادم اهل البيت
ابو علي السعيدي

[وليد حسين]

احسنت النشر

[إحساس]

,,السلام عليـــــــ سيدي ياحسين ـــــــك,,
,,بوركت وبورك طرحك الحيدري,,
,, وجزاك المولى خير الجزاء,,
,,ورد الجوري لك,,

[لحن السعاده]

أحسنتم. ..مآجورين.