قصيدة رثاء في علي الاكبر عليه السلام
ميعادك صار صار صار بالأكبر**مطلوب بثار ثار ثار من حيدر
جيش ابن زياد و أعوانه**و سيوف لدمك عطشانة
مطلوب بثار ثار ثار من حيدر
**********
تحذَّر يا علي الأكبر اجوا فرسان**لا عدهم شِيَم لا ذرة من وجدان
الك ثارات عدهم ماضية من زمان**من وقعة بدر من عهد أبو سفيان
علي جدك فِتَك بيهم بكل ميدان**و هدم بالكعبة كل ماالهم من أوثان
ماعدهم ذات ذات ذات لا ذمة**وجدان و مات مات مات من ظلمه
لا تلوم الميِّت وجدانه و سيوف لدمك عطشانه
مطلوب بثار ثار ثار من حيدر
**********
سبعين ألف ضدك و انت فارس شاب**لا داخل حرب و لا شهرت تحراب
تحيطك ناس صاروا للكفر أذناب**لسفك دمك تعنوا حاسبين حساب
بغضا للوصي الكرار داحي الباب**فناهم يوم وقعةبدر و الاحزاب
و الظالم راد راد راد ثاراته**بأرض الطف عاد عاد عاد غدراته
حشَّم كل جيشه و طغيانه وسيوف لدمك عطشانه
مطلوب بثار ثار ثار من حيدر
***********
أمية من الازل عاشت بالمغزة**ذليلة ظلت و مارادت العزة
لون ماتمتلك أرواح مهتزة**ماجان أمهم أكلت جبدة الحمزة
طغعة و الخيانة بيها منغرزة**و ابليس أكثر من نفوسها تعزه
يالأكبر شوف شوف شوف و انظرهم**يتراجف خوف خوف خوف عسكرهم
عسكر و يموج بميدانه و سيوف لدمك عطشانه
مطلوب بثار ثار ثار من حيدر
***********
يا أبن من ثبَّت بسيفه اصول الدين**لت همَّك يالأكبر عسكر الباغين
موهاليوم عالحقد من سنين**نفس هالجيش حاربهم علي بصفين
و اجوا يالأكبر بهاليوم منتقمين**على قطعة وريدك اجوا محتزمين
يالأكبر روح روح روح و اتقدم**روح افدي الروح الروح الروح لا تهتم
و افني الميدان و فرسانه و سيوف لدمك عطشانه
مطلوب بثار ثار ثار من حيدر
***********
الك من كل كتر متوجهة الأنظار**و لدمك غدت عطشانة هالأشفار
مثلك يمتلك صولات حامي الجار**يصول و مايهمه العسكر الجرار
انت بالخلد ينتظرك المختار**هُمَّ ينتظر الهم س*** النار
صوت الحق صاح صاح صاح لا تهتم**لو جسمك طاح طاح طاح و تخذم
دمك بركان بشريانه و سيوف لدمك عطشانه
مطلوب بثار ثار ثار من حيدر
***********
هالأمة اجت بسيوف منتقمة**ابذل مابوسعك و ابرز بهمة
من توقع صريع و تبتدي الأزمة**بموضع مصرعك تنكتب هالجلمة
رسول الله ذبيح و ذبحته الأمة**وجهك وجهه يالدمك نفس دمه
هالعالم صاح صاح صاح بالمدمع**لو دمك ساح ساح ساح بالمصرع
هالكون يضج بأحزانه و سيوف لدمك عطشانه
مطلوب بثار ثار ثار من حيدر
رد مع اقتباس
شكراا لك
