ابوذيات لشهر الحزن محرم وعاشوراء الامام الحسين (ع) 2014-2015
ابوذيات لشهر الحزن محرم وعاشوراء الامام الحسين (ع)
2014-2015
*********
ليالي الحزن هل الايام..يدمن
علينه كلوب ياابو كلوب..يدمن
الرسول اليبجي هذا اليوم..يدمن
وينوح الفحل وتون الزجيه
*******
ابدا مايوم دنيه ..صاح ابوهه
سكنه الحيد ابوهه..صاح ابوهه
بعزه زينب يسكنه..صاح ابوهه
تعزي بهل المصاب الصار بيه
*******
حبيب اللي وكف لحسين...وي جون
وماهمـــهم كثر من راح...وي جون
بيهم من تسودن صدك ...وي جون
وبيهم من بقى لحد المنيه
********
راح الجان سر زينب..يسرهه
بكلام الطيب والخوه..يسرهه
الاشد واعظم سده عليهه..يسرهه
وتطب مجلس يزيد شلون هيه
**********
جرح ينزف ييمه وجرح..يداي
لون يدري ابوليي انجتل..يداي
بدم نحرك يخويه اصبغت..يداي
ولطمت عل الوجه بااثنين اديه
**********
كتبت اسمك عل كلبي..وقف لك
وامنتك وسط روحي.. وقف لك
عل اطراف الجدم انهض..وقف لك
وكلك ياعلي انته الهويه
*********
اخوي اللي فده الجفين....وي عين
طاح ولا بكالي سند.... وي عين
وعكبكم صار بيه اليوم....وي عين
الشماته ومن اطب ديوان اميه
**************
شفت جبدك يخويه بسهم ....ينصاب
طحت وعليك غيض الكفر...ينصاب
الك رب العرش ياخوي...ينصاب
عزاء وصرح وتكصده البريه
************
يزينب لو دريتي بخبر ....علماي
اطيح وساعدي مبتور....علماي
اخبرچ وي چفوفي طاح....علماي
واخبرج بالسهم عيني رميه
***************
يزينب من تغير شفت....حالج
اسيره ولا ذره والليل...حالج
المصايب يختي هدن حيل...حالج
وبقيتي صامده رغم الاذيه
*************
يختي الصار مااشكي ....وحالي
لاان شفت العده حولج....وحالي
تمنيت الجفوف اترد....وحالي
واسوي المايصير بال اميه
************
ماهمني الدمع ينزل..يكف لا
وربك لن ظعن زينب..يكف لا
بس كلي المحب ينسه..يكف لا
ذكر طف كربله وحالت رقيه
**********
عرفت زينب يخويه..من سباها
وضربه الشمر سوطه..من سباها
عرفه بت علي حيدر..من سباها
وعرف جده النبي وامه الزجيه
****************
عرف جده النبي وامه ..وباها
وبيه ربك تباها..وباها
تلوذ الناس ببوها..وباها
لاأن هيه الشفيعه عل البريه
**************
ربح كلمن كصد زارج ..وزاره
وصار من الملك عنده..وزاره
لاابو اليمه الحزم شدة..وزاره
مشي وحفاي لاارض الغاضريه
*********
بعد لا دار احط بيه..ولبني
بسبب لن الدهر طكني..ولبني
لاني من اخوتي يمه..ولبني
وصفيت ميسره عد ال اميه
**************
ثبت حبكم نقي بروحي..ولصفى
وعجبني منظر الحضره..ولصفى
علي الدر المذهب..ولصفى
من كل بشر يمشي عل الوطيه
..********
وحك الله واهل بيته..ولكتاب
كلبي الماخضع لا احد..ولكتاب
قفلت الكلب من يومه..ولكتاب
عل كلبي احبن حيدره اولد الزجيه
*******
منهو العلمج عل البجي..عوداج
واشوفن ذبل من القهر..عوداج
هذا البطشت ياعمه..عوداج
بس راسه البقه يم ال اميه
*******
الدهر خوان من عني..بعدهم
وشلت هم العله روحي..بعدهم
شلون الحال من ابقى..بعدهم
وين انطي الوجه وليا ثنيه
********
اني من علي وحسين..منه
عليهم احملت جم اه..منه
حملني زماني هواي..منه
وبكيت محيره واصفك بديه
********
يظل عالي يرف بااسمه..لوانه
ابو فاضل حملنه اسمه ..لوانه
شتظن واحد كدر لينه..لوانه
اذا نصرخ علي تخاف المنيه
*********
العليل وعلته صعبه..دواوين
صوت حسين بالدنيه ..دواوين
زينب ياوكت طبت..دواوين
وكلي بيا وكت تمشي سبيه
*********
عيوني مااغمضت ياناس ..ليله
وعفى كلب الرباب وكلب..ليله
راح الجان الهه كمر..ليله
بقت طول العمر اتنوح هيه
*********
كلبي كطعوه اوصال..وشراح
وقضيتي ماتهم الخلك..وشراح
علي يسئل يكلي شبقه..وشراح
اذا راحو اخوتي انه من اديه
********
عيوني شلون اهيدهه..وسلهه
وراح الجان الي سلوه..وسلهه
ارد انشد كربله عنك..وسلهه
وكله الكمر مابين عليه
********
اخض بالماي بغيابك..شرب ماي
الجاب الماي هم تقنع..شرب ماي
لفاك الشر يبو فاضل..شرب ماي
وبتر جفينك البيهن حميه
*********
كلبي من الحزن ثاير..وينك انته
ونين الفركه يصعب..وينك انته
جنت يمك اباري..وينك انته
يكلي غيبتك طالت عليه
**********
منقول
لخادم اهل البيت
ابو علي السعيدي
رد مع اقتباس
المشاركة الأصلية كتبت بواسطة رونق الواسطيه
