طحت يا حسين بالحومة ، وخيمتنا عمدها طاح
عقبك لا هنالي العيش ، ولا عاد القلب يرتاح
عمر ما فارقيتك بيه ، تذكر يوم وإحنا صغار
من حضن أمي الزهراء ، جوانح حيدر الكرار
عيني تبحر بوجهك ، وألهج بيك ليل نهار
أحسك ماي بعيوني ، وأحسك بالقلب سبّاح
إن جان تريدني أنسى ، وأبطل النوح وونيني
اخذ ذكراك من قلبي ، اخذ صورتك من عيني
أيام الجنت وياك ، أناغيك وتناغيني
شسوي عايشة عندي من ذيج الأيام أشباح
طحت يا حسين بالحومة ، وخيمتنا عمدها طاح
عقبك لا هنالي العيش ، ولا عاد القلب يرتاح
يا ثغر الرضعت وياه ، الأخوة من ثدايا أمي
ويا وجه العلى ملقاه ، يزول وينجلي همي
ويا روحي الذي برداه ، ريحة والدي وعمي
راح الونس ويا وجهك و ويا روحتك قلبي راح
يا مصباحنا بالليل ، يا خيمة هلي كلها
تجمعنا على نورك ، ننام ونقعد بظلها
قضت وأهلي قضو وآنا ، عقبك فاجدة وولها
أون وأيتامكم وياي ، تون والدار كلها نياح
طحت يا حسين بالحومة ، وخيمتنا عمدها طاح
عقبك لا هنالي العيش ، ولا عاد القلب يرتاح
جم دوبة ظل يبن أمي ، دمع جاري وقلب ممرود
أيامي والشمس والدار ، كلها عقب عينك سود
أمني القلب يا بن أمي ، بلجن للديار تعود
ومن محرابك الخالي ، أسمع صوت أخيج راح
لو إني قاصدة واحد ، من أهل المجد ولا اثنين
جنت اصبر واهدي الروح ، عنهم وأكف دمع العين
لجن أخذ كل أهلي ، وخلالي غريبة البين
ولوعني وطفى عيوني ، وحتى ----- أجراح
طحت يا حسين بالحومة ، وخيمتنا عمدها طاح
عقبك لا هنالي العيش ، ولا عاد القلب يرتاح
وحشة الدار وعيونك ، خلت ما بعد بيها أحباب
من أطب بداركم يجري ، على عتبتها الدمع سجاب
الم بيها يتاماكم ، وأراملكم وأسد الباب
ومن زود الألم بهداي ، أون ما بعد بيّه صياح
يمر الليل وأقضي الليل ، سهرانة على ذكراك
ويطر الفجر وعيوني ، يتراوالها ملقاك
شنهو البصر يا بن أمي ، لا ترجع ولا أنساك !؟
وأظل بس سلوتي دموعي ، وبس أصفج الراح براح
طحت يا حسين بالحومة ، وخيمتنا عمدها طاح
عقبك لا هنالي العيش ، ولا عاد القلب يرتاح
رحم الله الوائلي
رد مع اقتباس
