الشاعر حسن نايف سعود الخفاجي
يادم الرضيع الي ارتفع ماطاح
منو مثلك دمه فوك السما تنثر
سفكوك العده وظنوا سلت عالكاع
مايدرون منك ينبع الكوثر
شالك عودك حسين وكصد للكوم
ماخايف حسين ولا اجه تعذر
اجه يقدم رضيعه قربه لله
هذا اعظم درس لو راد يتفسر
مثل جده الخليل القدم سماعيل
من شاف بمنامه يحز اله المنحر
نسل ريحانة احمد يارضيع حسين
بيك انه اعتبر وبدمك اتأثر
ياقلب الرباب الصابه سم البين
وغده قلب الرباب اعلى المهد يفتر
صابك حرملة الكاهل عدو الله
ولعنات الاه اعليه بالمحشر
يا اشرف طفل يشهد اله التاريخ
يالبيك العسر باللحظه يتيسر
الوسيله واسطه مذكوره بالقران
وتبقى انت وسيطي ومنك اتشكر
على حبك يامه جفني يظل سهران
وعميه العيون المولك تسهر
يلدمك نضح من منحرك عطشان
وجبرائيل بأركان العرش كبر
أمر رب الجلاله الخدم عنده املاك
بقارورة جنان الدم اله يحضر
ذخره ربك يحاسب بي بني مروان
وسفيان وزمرته وحرمله الاقذر
فده نحرك يريت نحورنه تروح
ذخر انته وذخيره وبيك انه افخر
وانه ثابت حسيني الحق اقوله اجهار
ومن ارض الطفوف انهلت هل مصدر
رضيع حسين ضامي وكبده عطشان
وي كبد الحسين بكربله يسعر
القصيده تسمت بدم رضيع حسين
والكاتب دم شرياني الابهر
وكل حرف الكتبته قربتاً لله
ومشكاته لفظ الله اكبر
ومشكاته لفظ الله اكبر
رد مع اقتباس
