رحلة الامام الحسين (ع) والقافلة .. نعي +أبوذيات محرم 2014-2015
رحلة الامام الحسين ع والقافله نعي +أبوذيات محرم 2014-2015
نعي للهلال .نعي للعليلة .نعي للمسير الى كربلاء .نعي للنزول الى كربلاء . نعي لمسلم (ع) . نعي لاولاد مسلم . نعي للقاسم (ع) .نعي لعبد الله الرضيع (ع) .نعي للامام العباس (ع).نعي للامام الحسين (ع) . نعي لعلي الاكبر (ع) . نعي لزينب (ع). نعي لعائلة الامام الحسين (ع).مع الابوذيات للجميع
********
للهلال
**********
يوم الهل شهر عاشور زينب ظلت بحيره
تعرف باليصير الجاي انتكبت هيه بالسيره
تدري من بعد ايام راح اتعوفه الديره
بلغه الوصي وشكال وحچه الهه أبتعبيره
گاللهه يجيج اليوم بيه ايطيح ابو الغيره
واعيونچ تشوف الصار زينب وانتي أبصيره
ساعته يخت عباس وجهكم المن تديره
اذا طاح الكمر عالگاع منهو بعده تشيره
ويصير السبي يازينب اسيره انكتبت السيره
واليوم العده عندج هذا ارهاب تحذيره
*********
عسى اهلال الحزن لاجه..وهليت
علينه ادموعنه من دم..وهليت
وينه الكال ياليتنا معك..وهليت
هذا الشهر شهر الحزن ليه
**********
شهر اصعب شهر بالنوح..حزنه
ومثل سجين باشط علي..حزنه
دموع ونوح والاهات..حزنه
وخيم محروكه واطفالي سبيه
*****
**************************
للعليله
***********
لن صوت العليله يصيح بويه حسين عفتوني
وحيده بلا ولي وياي بويه بهم تخلوني
عليكم ما أ بطل نوح بويه تعمه اعيوني
شگل الناس يابويه ولو عنكم يسالوني
هلي غياب يابويه بسفر يمكن يذكروني
وحشه الدار تسالني اريدنكم تشوفوني
اخوتي وعمي العباس مااظن بعد يلفوني
انت الواعدت بويه كلت لازم يتبعوني
منكم لا خبر هاليوم لاطارش يواسوني
اركان البيت يابويه ابچيهه ويبچوني
**********
بصوت الفاكده يابوي..وحداي
وعليله بلا اهل ظليت..وحداي
لمن غادر ظعنكم راح..وحداي
متت يابويه من ذيج المسيه
*******
تعلمت البواجي ونوح..والون
وشفت حسرات مرة علي..والون
وين ارحلتو ياخوان..والون
وبقيت اوحيده محد نشد بيه
***
**********************
المسيره الى كربلاء
*********
سار الظعن هذا اليوم والكافل رفع رايه
حسين البلغ العباس گالاله وعقد رايه
خويه اهل العراق اليوم خويه ويانه ودايه
بلغ زينب العباس خويه گومي ويايه
گالتله يبن حيدر عندي أوياك احچايه
يخويه من اروح اهناك منهو الالي تچايه
ويتكفل الي بالضيج ومنهو الالي برايه
صاح وغضب بعيونه وگال اليوم الچ ثايه
يزينب يااخت عباس اني عندي اروايه
بلغني الوصي وگال زينب اختي بحمايه
هاي رايتك عباس بالك تترك الرايه
********
ابو فاضل عقد عزمه..ورايه
وكال لزينب اتحضري ..ورايه
بيده من حمل جوده..ورايه
شلون اطيح وانه اختي بديه
*******
فتحنه للمصاب احزان..وي روح
اخوج عل السفر ناوين..وي روح
يزينب حضري الارواح..وي روح
نترافك عل الرحيل احنه سويه
********************
نزول القافله
********
نزل ظعن الهواشم جاي ارض الطف تعناهه
زينب والكفيل ايصيح خويه بصوت ناداهه
خويه جمعي الاطفال والنسوان وياهه
خلي محملج يمي وصيتي وانه ارعاهه
خويه وجمعي اخيامچ شحده اليدنه احذاهه
وهاي الرايه اعكديه وخل الواج بالواهه
ينادمه ويحاجيه ويناشده أعل بلواهه
زينب والگمر والعباس ام الخدر سماهه
ذكره البطل عباس بصوت امهه وبچاهه
وگاللهه وصيه وصيچ با أمه اخته وصاهه
يازينب تموت بساع يوم الخبر يلفاهه
******
ابوي الوصه كبل اسنين..يماي
زينب لومشت بالظعن ..يماي
اطيحن يم نهر عطشان..يماي
وتطيح اجفوفي ولزينب هديه
******
وحك اللي فده لحسين..عمره
نزورك من نطوف اتصير..عمره
عباس المايكل لحسين..عمره
يكلي سيدي يبن الزجيه
*************************
مسلم ع..نعي
********
حسين ويسمع الاخبار عن مسلم تجي بلوعه
چان اول سفير يروح لاابو السجاد لجموعه
بيه تناقلت لخبار منه اخبار مشفوعه
يوم اللي دخل كوفه شاف الناس مجموعه
گاللهم سفير حسين وابن عمه ورهن طوعه
اجيت اليوم ابايعكم بعيت ولي ومشروعه
عليه اجمعت الاف كلمن طرح موضوعه
وبيهم صله بالمسجد ايد التوبه مرفوعه
تالي سمعت الانذال وهدت بيه من روعه
عليه اتامرت ياحيف والوكفت فقط طوعه
تصيح بصوت يامسلم ياحيدر علي بنوعه
صاح حسين يامسلم حميده بيك مفجوعه
***********
مسلم قصته انعرفت..وطوعه
رهن حسين من وده..وطوعه
كله من اجت بيده..وطوعه
انكلبت بالعجل ضد المسيه
*********
اهل هل الغدر بين..شركهم
بمسلم يوم حاطوله..شركهم
يوم الضهضب وناده..شركهم
صفت نصين جيش ابن الدعيه
*****************
اولاد مسلم ع
***********
يوم الهجمت العدوان هجت بالفله الاطفال
هامت گامت وتمشي ساعه بنهر ساعه اتلال
ومنهم من گصد حاير هايم بقه هالدلال
اولاد ولعد مسلم اشكيلك اريد الحال
گصدو همه المسيب والظالم بذل اموال
كلمن يخبر عليهم اله حمل الجبل ينشال
ينامون النهار بخوف والليل الصبح جمال
ساعه ولن مره شافت طيور اثنين مو البال
جابتهم لعد الدار وعرفت منهم وبالحال
اولاد ولعد مسلم منهم تدنه الاجال
بيهم من عرف حارث بيهم كطع الاوصال
***********
لعد مسلم حدث ياناس..طف لا
بعد طف الحسين ايصير..طف لا
حلم جان الحلم معروف..طف لا
تحقق هل الحلم ماتو سويه
********
الحارث كطع كل رحمه..والاوصال
بيهم كطع اوداده..والا وصال
عليهم من سلت سيفه..والاوصال
ذبح اطفال خطاره المسيه
*********************
للامام القاسم ع
****************
ام جاسم بچت وتصيح يبني اليوم مهمومه
صاحت يالحسن وينك ابنك كرب من يومه
الوصيه الجانت بهالجيد عندي بيه معلومه
يبني لو شفت عمك وحيد وصار بالحومه
تطب لساحة الميدان وتسوي لازم الزومه
تذود عل الحرم وحسين وعليتنه المظلومه
يبني الوعد كون يصير أبني حلوه ارسومه
ما نه أمك يبعد الروح منك اظل محرومه
انت ياالهوى عذيبي وروحي العندي مضمومه
سلام الله الك يبني تضحي وعيب مندومه
أبني جاسم العريس اليوم محنه بدمومه
*********
الك يبني الادين اثنين..حنيت
بدمك واني كثر هموم..حنيت
ظهري اعليك طول العمر..حنيت
برحيلك يالولد من بين اديه
*********
بحزن والنوح اكظي العمر..يبني
عليك وحيل اطك بجلاي..يبني
الولد لاامه ثلث ديران ..يبني
وانته زغير شو رحت من اديه
***********************
الرضيع ع
********
أهز مهدك يعبد الله ودليلي موجر بناره
ام وهايم وتصيح ابني العطش محتاره
تدير الوجه مدري لوين تصيح بصوت وحراره
وين حسين والعباس وين الغيره باانصاره
ماذنب الطفل ياناس جبدته صايره مراره
صاح حسين للعدوان حكمه وبيه اسراره
شنو ذنب الطفل عطشان شال ابين كفاره
زاد ومن نزاع الگوم صار الجيش طشاره
واحد كال خل نسكيه والاخر زادت اعذاره
حكم حرمله بالگوس ورماه بنحره واوتاره
ولن دم الطفل فاير شاله حسين ولداره
ضم الطفل عن امه وجابه تحت اكتاره
ميت هالرضيع اشلون شنو العذر والچاره
**********
وحك جدك الخاتم من ..نبلهه
ورياجك يالولد دمك..نبلهه
سكاك الموت من كاسه..نبلهه
سكاك الموت من كاس المنيه
**********
سكاك الموت من كاسه..بل سهام
وصارت حصته انته..بل سهام
وامك يالولد هامت..بل سهام
ام وفاكد شتكول هيه
****************
الامام العباس ع
************
سكنه حشمت عمه تگله الماي اريدنه
يعمي العطش فت الروح يعمي كوم جيبلنه
گام وانتهض عباس يم احسين وادنه
يكله سيدي ومولاي اريد الكوم اتعنه
اجيب الماي لا اطفالك ولسكنه اشربنه
بعد مترخص العباس صوب الكوم يتمنه
مثل حيدر علي من صال منيته چانت الجنه
أجيتچ للوصيه اليوم اجيت اليوم اتحنه
بدمي گالهه الوالد وجفوف نذر هنه
يم العلگمي العباس طاح رايته منه
وي ايده وجفوفه الماي تبده ومايلمنه
صاح بصوت يمولاي بعدك عالعفى بونه
********
وحك اللي بيده الحكم..ونهه
حسين ومن لفه العباس..ونهه
حسره بالكلب والروح..ونهه
عل زينب من نشد ذيج المسيه
*********
حسين القسم الجيشين..سهمين
عل ابوفاضل واخوته وياه..سمهين
يوم الطاح ابو الحملات..سهمين
سهم بعين ويجوده سويه
**************
الامام الحسين ع
************
زينب تنظر عل حسين وتشوفه يجود هوه الروح
وحيد وصار بالميدان وجسمه بالجروح اجروح
وعلى حاله بجت رضعان واملاكه السمه اتنوح
وجسمه من الدماء اتسيل ومنه اعطور گام اتفوح
يوم حسين عل الغبره ظل جسمه صفه مطروح
حارت زينب وتنظر حارت هيه وين اتروح
تعاين للشمر والگوم عليه ومن يجي ويروح
اخوه وسبط هالامه ياوسفه صبح مذبوح
صوت من السمه حزنان يصيح بصوته المبوح
بينه تهدمت والله اركانه الدنيه اصروح
*********
وحك اللي ثبت دمه..وشيعه
وصار النور للشيعه..وشيعه
بحزن من كرب امصابك..وشيعه
يوم ماانوجد بالكون اليه
*********
وحك النصبه الباري..مصابين
الك نهران بدموعي..مصابين
يوم الينصب الباري..مصابين
مصابك بالسمه وعدنه الوطيه
*************
علي الاكبر ع
***********
يشبه المصطفى الهادي امك تنظر وتربي
تصيح بصوت تدعيله وتصيح اشلون ياربي
ابني وسلوتي بالروح نور العين ولدربي
من بعده شلي بالروح اتيهن بعده بس احبي
عمر بدموع ربيتك والك بس انظر واصبي
هرش گلبي انكطع هاليوم ذنب الدهر مو ذنبي
اعاين يالولد ممشاك يالاكبر شلك عكبي
انوح عليك ثلكه اتنوح ابنه فاكده وتبجي
دموعي عالولد تكطر مااندل بعد غربي
ريت الموت يبني وياك ياخذنه سوه كبري
*********
برز من يشبه بكل شي..وجده
صوت وصوره والهيئه..وجده
للموت ارتجل ساير..وجده
علي الاكبر شبيه النبي ليه
********
علي الاكبر يصيح بصوت..يدين
احارب هل الكفر منسوب..يدين
نظل احرار وهاي افعال..يدين
نموت ابعز ولا ذل الدعيه
***********************
زينب ع
************
زينب من رحل عباس وحيده ظلت بهالكوم
تصد بعين لسكينه وترد ابنوح لاام كلثوم
عفه يم الحزن عينج ابدا ماطاوعت للنوم
يوم الهاجت اظنونج كلبج بالحزن مالوم
يايوم الجره والصار عليج اصبح اشد هاليوم
بيه تركتي خوانج وهمج زاد ضعف اهموم
اسيره اصبحتي يازينب ويرعاج العلي القيوم
حسافه تنسبي زينب وتروح ميسره جالروم
هاي مخدرت عباس واخوه حسين هالمظلوم
وي الكمر يوم الطاح طاحت خوته النجوم
********
الدهر عل اليمنه واليسره..كلبهه
وزينب من دمه ينزف..كلبهه
ابو فاضل سمع زينب..كلبهه
الطف والحضر بيهه سويه
*******
لزينب من تنوح الارض..مايات
ورادت زينب الاطفال ..مايات
اطروش اللي ارسلته ليش..مايات
اخوي اللي رحل مارد اليه
****************
عائلة الامام الحسين ع
********
شذكر يامصيبه تريد عنه اخبار..رضيع حسين والنبله وكلب امه
لو سكنه العليله وخيام صارت نار..وهذا ايريد ابوه وذاك يم عمه
لو ارسم الك اهات اخت حسين ..يوم الطاح الاكبر يم ابو اليمه
لو عابس وجون ونافع اذكر ليك..لو عريس صارت حنته بدمه
لو عباس اذكره وزنده لمن راح..ومن صدره يتدنه حسين ويشمه
لو ميمون يصهل فزع العباس..كوم حسين طايح عالثره ولمه
وحك عباس كل كومه..ولمه
الفخر كل الفخر حيدر..ولمه
الفدت عباس لااخوانه..ولمه
ثلاث اوصال صار اعله الوطيه
*****
حبيب الدخل للحومه..وعابس
ونافع من برز وجه..وعابس
الحر بااخر اوقاته..وعابس
ونال العاليه وحسن البقيه
جون تعاهد وي حسين يوم الدخل للحومه
يكله سيدي ومولاي عندي جلمه مضمومه
همت بيكم لحد الموت وجنوني ساعته ويومه
اريدن ينضرب بيه مثل للناس معلومه
حبي للحسين الصار جنوني وروحي وهمومه
*********
الزمن مني اخذ خوان ومضه
وعليه ابشط من السيف ومضه
كتبت انه لاابو الاحرار ومضه
طلع زينب لغزه الومضه هيه
**************
سياط الشمر يخواني..مرعتني
وكمت بالسوط اعته ..مرعتني
احملت امي المصايب..مرعتني
احملت ظيم الدعي وابن الدعيه
**********
راح الجان وبكلبه..محنه
وصبح اظلم يخواني..محنه
ليالي السود ماظنهن..محنه
اسمك ياشهم راعي الحميه
***********
عظيم بقدرتك عالي..يربنه
متى الفاكد ولد كلي..يربنه
الدهر بحبال جتفنه..يربنه
هيج انه بجفاك الصار بيه
**********
بيه تولدت اهات ..من اه
اليحب حسين هوه صار..من اه
اذكرت يوم الاجينه هنا..من اه
وذكرت السبي والشمر ورقيه
***********
خادم اهل البيت
ابو علي السعيدي
رد مع اقتباس