إحنه ما نحتاج طــــب ولا عـــلاج *** ولا مَشافي وتكــــلفه وروح وتعال
إحنه من يصعب علينه المستــحيل ***عد علي الكرار بس حل الاشـــكال
بويه يبرالك علي كلــــــــمة ابوي *** هاي يوميه الصــــــــبح كلمة تنكَال
وأمي شيلتها ستر بس بالدعــــــاء *** تنـــزع الشيله وتطــالب بالمــــــنال
بجاه الحسين ويتاماه والرضيــــع *** وجاه مَنْ زلـــزل عِدوّه بالقتـــــــــال
آنه لو معلـــــول ، من كلمة أبوي *** ودعوة امي تشفي سقمي من المحال
عدنه ابو فاضل طبيب لكل مريض *** بردهة العبــــاس تتــــشافه العــــلال
انته لو همّك جبل إندب حُسيــــن *** بحضرة العطشان تتـــــهاوى الجبال
عدنه زِينب آه زينــب شرد أكول *** بت ابو الحســــــنين بـت عز ودلال
لو تعنيت بطلبتك ما تــــــــــخيب *** ذوله حــــــملو بالكرم كل الخـصال
اسأل مجرّب ولا تسأل حكيــــــم *** وانه تجربتــي الدليـــل اعله الاقوال
*** بقلمي ***
نسأل الله بحق محمد وال محمد قضاء الحوائج وشفاء المرضى
رد مع اقتباس
المشاركة الأصلية كتبت بواسطة أوراق شاعر
