اكثر من الهموم البيه الك مشتاك
واكثر من جروحي وهم بعد اكثر
باقي بكلبي حبك لاتظن ناسيك
وباقي علعهد لايمكن اتغير
اتانيك بحلم اتمر بس لحظات
وانام وماشوفك واكعد اتحسر
يعني بكل دقيقه عليك اتمرمر
وذبلن ذني عيوني بكثر ماابجيك
ومن كد مااناحي عليك من اسهر
صرت مامشي عدل وعظامي اتكسر
وصدكني بوداعك اظلمت دنياي
وشسولفلك بعد علعيشه مااكدر
واني بدون كربك بعد مااصبر
تصور حالي شوف اشلون الك علنار
اتكلب اذا ابذكرك انه اذكر
تأكد انته جنت الروح الي ودنياي
كل عمري وحياتي وكلشي اتصور
بعدمابيه اعيش بعالم الاحزان
ابشرك راح اجيك بشوك متفجر
واذا انته رحلت من دنيتي توفيت
تظن علموت هم بغيابك اتعذر؟؟
اموت لخاطرك صدكني موتني بهون
البس خامي راح وبيدي راح احفر
كبري ولاتظن علموت اتعثر
موانه ال اذا محبوبه ميت صار
يبقى بدنيته عايش ولاتأثر
ولاانه ال اذا من رحت وتوفيت
بشارع ذكرياتك وحدي بس افتر
بعد ماارضه اعيش بدنيتي حيران
ولا ابقه بغيابك بليلي اتحير
لون تدري شكثر ضاكت علي دنياي
وحيد وحته روحي من الجسد تطفى
صوت بس ذكرى عاشكك عايش بلاروح
ومهجور الكلب صاح بنبض مقهور
اريد بشوكك عالمحبوب اتمطر
بهاي الدنيه اريدن محبوبي بس وياي
ويارب العرش وامنيتي بس يحضر
لاحظنه بذني ايديه محاضن الملهوف
واصيحن من فرحتي الله واكبر
واصيحن من فرحتي الله واكبر
بقلمي/آمنه الطائي
رد مع اقتباس
