عتآب بين السيدة زينب واخوتها الحسين والعباس(ع)
______________________________________________
السلام عليكم ورحمة الله وبركاته
۩۞۩عتآب بين السيدة زينب واخوتها الحسين والعباس(ع)۩۞۩
وهي عباره عن حوار وعتاب ايضا بين الامام الحسين والعباس والسيدة زينب عليهم السلام
....
زينب السلام عليك
تصور لو في هالليلة طلع الحسين من قبره
طلع و الروح تشكي له تريد تروح للحوره
وبألأشواق.. من طعم الفراق.. بالألم تنساه
حنين الروح.. للضريح تروح.. تلتأم الجروح
وصل لأعتاب مرقدها ومنه دموع تتحدر
تقرب صوب شاهدها وبالآلام يتذكر
وداع البين.. فرقة الروحين.. في حزن قبرين
دمع الحسين.. يجري بينه و بين.. أخته ضي العين
يا زينب يا زينب يا زينب
يزينب أذكر اليوم التلفيني وأنا على القبرة متعفر تضميني
جسد لاراس اليّه حق تقبليني وقلبك ينفطر يا شمعة سنيني
يا زينب...يوم أجيتي تودعيني
يا زينب...بيه شبيتي حنيني
يا زينب...منذبح لا تنظري لي
يا زينب...عالترايب أتركيني
تهيج جروحي و آلام القلب تلهب بأمان الله يا باقي جسمي المترب
دمايه بفرقتك بالحسرة تتصبب وكل ذره بكياني تنادي يزينب
يا زينب...يحرسك راسي على السنان
يا زينب...بحسرة ينظر عزك أنهان
يا زينب...يا عذاب تحدى الأزمان
يا زينب...لك يا حوره قلبي عطشان
تصور لو من طفوفه طلع باشواقه العباس
يزور اخته بلا كفوفه بسهم عينه وعمود الراس
ويم لحسين.. امقطع الكفين.. وصل ابلا عين
خجل غرقان.. والقلب لهفان.. الكعبة الأحزان
تمدد صوب مثواها ويحاكيها ابدمع هماي
وبالأشجان ناداها يزينب قومي جبت الماي
قطعت ابرور.. آسف ومعذور.. عالجرى ابعاشور
وبالآهات.. جبت إليك الفرات.. يعتذر حسرات
يا زينب يا زينب يا زينب
يحورة شالأقدِّم لچ من اعذاري ... ونا انظر لك ركبتي عالجمل عاري
مظن يشفع لي قطع ايميني ويساري ... إذا حيدر سأل بالطف عن اخباري
يزينب... عد علي إنتي الشفيعة
يزينب... شفعي ليّه يالوديعة
يزينب ... إخذي چفيني القطيعة
يزينب... وللأبو وصفي الفجيعة
ومنعتب تدري عني والدمع هامل...عسى الوالد عليّه قلبه مو شايل
وقولي ليه يحيدر ذبحوا الكافل...على اضفاف النهر طايح أبو فاضل
يزينب... طلعتك من كربلا اجروح
يزينب.. عالنهر كنت آنا مطروح
يزبنب... قلبي ينظر ظلك يروح
يزينب.. وتوني ابهالحظة مذبوح
وتصور هالقبر بالهم بعث لعتاب من زينب
ورى الشباك تتكلم وبالأصوات تتعاتب
تدير العين.. بينا اعز روحين.. بو الفضل وحسين
بعدكم راح.. مجدي والعز طاح.. وارتويت اجراح
خيم بالنار شبوها وعلى النسوان تجري الخيل
حرم واطفال سلبوها ويسروها بظلام الليل
وبالآلام.. نطلع بالأيتام.. آه يدرب الشام
لون تدرون.. إخوتي اشعفتون.. هالجرح ميهون
يا زينب يا زينب يا زينب
تناظر للقمر تعتب على ازنوده ... يزنديني اللي خانوا وافي اوعوده
ترى لولاكم ولو لا سهم جوده ... أبو فاضل ظعنّا الطيبة ايعوده
يا زينب... والله لو ما طيحة البين
يا زينب... باليسر مالحظة تبقين
يا زينب... لكن اعليّه يظل دين
يا زينب... أفني عمري فدوى لحسين
تعدد بالمحن والدمعة تجريها...مجالسنا هالدخلناها اشحصل بيها
خرايب هالنزلناها اشمآسيها...ويرد حسين وبدموعه يحاكيها
يزينب... تذبحيني ابهالرزية
يزينب... لا تقولي انك سبية
يزينب... للدهر إنتي الأبية
يزينب... يا كمال الغاضرية
زينب السلام عليك
نسالكم الدعاء.
رد مع اقتباس
