اصوات الحرب قرعة طبلها
لأن عباس بالحـــومة طبلها
بس هو نوصف سيفه طبلها
يداوي الملتزم بفعال امية
...................................
المنايا تحوم بالحومة علمها
وهو بجفه يهز واكف علمها
الرجال بذعر مصيوبه علمها
تشوف الموت حل بهل مسية
...................................
بطال الكوم عن عباس سلها
ارواح اليوم من ابدان سلها
كاتله الرعب والخوف سلها
وحل بيه الاجل كبل المنية
....................................
هله باسمك يلوك عليك ..عباس
اسد هاشم وسط الكوم ...عباس
مالوم الذي سماك ..عباس
اسد وانت الشبل بالغاضريه
__________________________
شلون كالو كيدو جتف العليل .. وهوه مرمر جيش اميه وعلعله
وخلهه اميه تصيح لوعنه الرضيع .. الاصغر بكل يوم يذبح حرمله
ويا سؤال الدوم ما صحله جواب .. وياهو يكدر ينطي حل للمساله
شلون جان الحال من كام العضيد .. ولملم غيومه وضلامه وجلجله
شلون من جففه افترك غيره وحميه .. ومن زعل غيض وغضب قلبه انمله
حششمت عباس زينب يالعضيد .. ويا هله بعباس صاحت يا هله
من صرخ الله اكبر يا فرات .. احتار هذه الكون واركانه بهله
طب عليهم موت وبسيفه الحتوف .. وصار مشراد الخوارج بلبله
بيه تناثر جيشهم مثل الجراد .. وجاوز المعكود بيده وجلجله
ثببت اوتاد القضاء على ال اميه .. ورتل القراان بيهم رتله
كثرت اللوعات وي صوت المنايح .. بججه دم عيون خصمه ورمله
صاح انه العباس جتتال الرجال .. وضعن ابو الاحرار انه الجافله
_______________________
البشر صلت فرض لاربعة عشر معصوم
وانه اربعه عشر معصوم صلتلي
عن ياميمنه وياميسره يكولون
حتى اشعر زلم عالكاع ثبتتلي
انه الكورته وقسمته ارباع
وعد ياسيف ملك الموت صاحتلي
جهنم من كثر شيل الجثث للنار
غصيت بجثثهم خبر ودتلي
وانا المدفون واكف ماطحت للكاع
دست طرف الارض والكاع كاملتي
انة المن علي بل كل علي بلازود
وقوتة البسمة اعلة الكاع نزلتلي
الشمس ردت لبوي وصله فرضه وكام
ولو رايد ترد هم جان ردتلي
بعدني بظهر ابوي وفاطمة الزهراء
شلعت من كلبه وكلب حطتلي
كتبت فوك زندي تعيش ياعباس
ومحروس بعلي الكرار كتبتلي
رد مع اقتباس
المشاركة الأصلية كتبت بواسطة أوراق شاعر
