انــه زينب وانــته عـباس حيدر تركي الكربلائي
انــه زينب وانــته عـباس .. خويه
خدري بيدك عرفته الناس .. خويه
منو من بعدك إلي ....... لو رحت يا كافلي
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــ
قــرر الحادي الرحيــل امن المدينه ** وروحي حست بالقــدر لـَوح علينه
گـلت مـاريد الهجــر يالگاصـديــنه ** بــس اذا انته الذي تحدي الظعـينه
بالامان اوياك حـسيت .. خويه
وعني ما لحظه تخليت .. خويه
بالمصايب ابتــلي ....... لو رحت يا كافلي
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــ
امن الوطن ياخويه حين الطلعتني ** على الناگــه بيدك انــته ركبتــني
عززتــني وكرمتــنـي وجللـــتني ** بهيــبتك للطف يبـو فاظـل جبتـني
هـم ترجــعني يكــفال .. خويه
لو ارد وحدي بالعيال .. خويه
اشراح اجاوب سألي ....... لـو رحـت يا كافلـي
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــ
اوياك اجيت اتحفني من كل الجوانب ** وبنــي هاشم بيه حاطت كالكواكب
حتى لاطولي يشــــوفونه الاجـــانب ** ولو صحت عباس هايختي تجاوب
هالحمايـه تبــقـه ويـــاي .. خويه
حين باچر امشي لعداي .. خويه
منو اليحرس محملي ....... لو رحت يا كافلي
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــ
بالسكينه اوياك احس تدريني انـته ** الأمـــان اعلــه النجم ليه كتــــبته
وبجبـــينك اسمي بالــغيره حفرته ** منو المثـلك يبو فاظل حامي لخته
ماشفت مثــلك بدنياي .. خويه
وافي بس انته يوفاي .. خويه
الخدري ياهو ايظل ولي ....... لـــو رحـت يا كافلــي
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــ
بخاطري فــد شــي الــك خليني اگوله ** والـــدي وصاك بـــيه امــن الــطفوله
وانــته ليـــه واعــدت يارمز البــطوله ** صـار خدري بـيدك فروعــه واصوله
ادري ما ناسي الوعد ذاك .. خويه
بحيره يا بالفـــظل خــلاك .. خويه
تعرف بظنوة علي ....... لو رحت يا كافلي
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــ
عنــدي ياخـــويه الــك انـــه وصــيه **حيـــن ترحل ياگــمر انـتـه امن اديه
وحـدي من تتركـني برض الغاظـريه ** تدري زينيب يالاخـو تصبح سبــيه
ارتحــل خليــني ويـاك .. خويه
تدري ما احتمل فرگاك ..خويه
بعد عينك انولي ....... لو رحت يا كافلي
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــ
تدري من بــعدك اصـير انــه غريبه ** والمصـــيبه مــن تفارگــني المـصيبه
ارتحــــل عالـناگـــه مســبيه وسليبه ** واصـرخ يصوتي الگمر ياهو اليجيبه
والله ماتنحـچي بلـواي .. خويه
اگــعد وشاهد يتاماي .. خويه
وردلي عزي الأولي ....... لو رحيت يا كافلي
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــ
تمت والحمد لله
رد مع اقتباس
المشاركة الأصلية كتبت بواسطة abas satar
