طلب من الله أبو فاضل بالصلاة __للشاعر إيهاب المالكي
طلب من الله أبو فاضل بالصلاة
ربي تؤمرلي ملك ينزل الي
انه عديت المخطط للهجوم
وارد اوديي للسمه يقراه علي
أولا:
راح افيي اعله الخيم مثل الغمام
وراح اعجج كل تراب الطف حمام
راح اشيل ايدي واسلم عالخيام
كون اوشل ايدي وراها من السلام
ثانيًا:
بروح كل عطشان راح امطر برد
نسوا طعم الماي اليحلموا نرد
أطفال تعطش تذبل,, الموت يحصد
للسما من الطف شفت يصعد ورد
ثالثا":
رايد اثبت مستحيل المستحيل
وارد اشيل من الحرب حمل الثجيل
وارد اعالج فكرة الكم القليل
اوكَف بطولي واخلي الطف يميل
رابعا":
أرد اشوف الماي احس انطيته عين
وارد اكَله اليوم تشرد مني وين
حاله وحده يجوز بيها اويا ألين
إلا إذا كَلي عليك أم البنين
خامساً:
راح امر من بينهم مثل الضوه
إلا افرغ أنفاسهم من الهوه
الجوي يوصفونه من بعد الدوه
ويعرف عباس الي براسه انجوه
سادساً:
راح أسوي بجيشهم بالصوله غار
مثل ما يخطف على الليل النهار
راح اصول بهيبة اليطلبله ثار
كون احس رجل الفرس مشتعله نار
سابعا":
الفطن بيهم كَدر يلمحني نور
واكو بيهم كَال اشم ريحة بخور
راح الم والتم والف والتف وادور
مثل ما توكَع من القمه الصخور
ثامنا":
انه بس اعله النهر محد سواي
وحدي وما تنحصي الرووس الوراي
اليشوف العلكَمي يسولف معاي
مايفرزن ياهو بينا العنده ماي
..........
للشاعر إيهاب المالكي
رد مع اقتباس
