==========
عاذلي يكلي أشبيك عـــــــودك ذبل زهره
الناس بعلمه صعدّت يـــــم كوكب الزُهره
وانت بسوادك تون تلطم علــــــى الزهرة
=========
وتعيش بالأوهام تـتــنطــــــر المهــــدي
موبيدي كتله ألأمر من ألسمــــه مهدي
وآني بصلب والدي برحـم أمـي وبمهدي
أحزن الحزن النبي ولحسـيــن والزهرة
=============
(((((((القصيده)))))))
عـَجلَ اللّه
عـَجـَلَ اللهُ الفرج للمؤمنين=بظهورالحُجه نسل المرسلين
المهدي نور ُ ُفي ألأزل=متى عل الدنيا يهـل
يمسح الضلمه ويحل نور اليقين
عَجَلَ الله الفرج للمؤمنين
------------------------
يا إمام العصرأنت المُرتجى=أنت نورُ ُ في غيا هيب الدُجى
أنت للخائفِ أمنـــــاً ورجا=بطلعتك تـطمن أكلوب الخائفين
عَجَلَ الله
----------------------
سيدي شيعتك في هذا العصر=عايشه بآلام وبخوف وخطر
تنادي ليل أنهار ويـن المنتظر=يجرد الفقار ينهي الحاقدين
عجل الله
--------------
سيدي يالمهدي يبن الطاهره=نشتكيلك من وضعنه وحاضره
ندري يامولاي شاهد عل جره=تعاين بعينك دموع الثاكلين
عجل الله
---------
جان بالطف فرد واحد حرمله=ذبح عبد لله ألطفل وفجع هله
اليوم بالآلف نفس الشاكــلـه=أحفاد أبوسفيان يزيـــــد اللعين
عجل الله
---------------
سيدي يالمهدي يا روح الرُسل=خل نصل تكريت ننشـدهه شحصل
تكول شفت الداعشي بلايه خجـل=يفجر الناس ويذبــــــح ألآمنين
عجل الله الفرج
----------------
القاعدة تكريت ننشـده شجره=ليش عل شيعه أصبحت متآمره
تكول أسامه هل أمرهوأصدره=كال ذوله جناب من شيعة حُسين
عجل الله الفرج
====
للفرات نروح ونسألــــه شفت=يكول آني غارج بنـــومي جنت
شفت داعش آني منعدهم خفت=ذبوا الشبـــــــــان بيه مجتفين
عجل الله الفرج
==========
يكول حين تنفس بجرفي الصبح=سمعت واحد ينخه بالثاني ويلـح
يكله شيعه هـــــــاي لازم تنذبـح=حتى ماتبجي وتجي بالأربعين
عجل الله
=======
سيدي يـــــــا حُجـــة المنتظر=ذوله معروفيين من ذاك الشجر
جدهم بن العاص أستاذ المـكر=ذوله ما نعتب عليهم مفسدين
عجل الله
----------------
لاجن نعاتب تحالفنـــــه الغبي=ليش ضد نفسه يحالف أجنبي
ليش باع المعتقد للناصـــــبي=ويدري بالتالي النصرللمؤمنين
عجل الله
======
نسأل الجعفري ماهذا الصـدود=ليش خنت الشيعه جا وين العهود
تخذل المذهب تــناصر للحقود=سمعتك صــــــارت زفت للناخبين
عجل الله
====
سيدي كثرت اليوم أهل البُدع=ودين جدك صارفي حالة نزع
سيدي يالغايب أنت أصل الشرع=كوم جدد دين سيد المرسلين
عجل ألله
-----------------
سيدي هوايه يزيد بهـل وكت=تشرب أبدم البشر تاكــــــل سـُحت
من وصل وتربع بظهرالتـخت=تنكرالمذهب علي وخان الحُسين
عجل الله
---------------------
كوم يبن الحسن سل سيف الجهاد=صحح النه أفكار أشرار العبـاد
أنت يا مولاي للمنهج عمـــاد=كوم كص اللسان ذوله المدعين
عجل الله
=========
كوم يامولاي عجل لينـــه=تحاشمت كل الأرجاس علينــه
اليوم أبن صهيون حاكم بينه=يجول ويصول بديارالمسلمين
عجل الله
-----------------------
كوم يا مولاي طال ألإنتضار=شيعتك هل يوم منتظره على نار
متى نشاهد طلعتك يبن الطهاره=تمكن السيف برقاب الخائنين
عجل الله الفرج للمؤمنين
---------------------
يا إمام العصر قد طالت دهور=ضاقت من الشيعه مولاي الصدور
شيعتك تنتظر ياساعه الظهـور=ودولة الحق تـنتـشر بالعالميـن
عجل الله الفرج للمؤمنين


خادم الحسين ( ع)


السيد كاظم الشرع المحمودي الموسوي