هنا

[فقار الكرخي]

يل طاريك رجف كل نهر بيه ماي
ومن عندك رخاوه بكل نهر جرفه
أجذب اعيونكم بالنهر مامش روج
اكلكم بالنهر عباس حط رجفه
أكل روحه العطش ماشال جفه لغيم
مامطرت لان ماباوع بشفه
يتنفس زلم بالمعركه منيصول
الهوء سواه حبل بركابهم لفه
صطر وجه النهر عباس لجل حسين
وخيط اصفر بوجه لهسه من جفه
وكفل زينب بنفس الجان يصطر بيه
ومن حطه علزينب هاكثر ترفه
طفك مهرجان ودخل بيه جمهور
يذوق ركب سيفك بيقى بطفه
دخل عالجيش خل الخوف يردم خوف
واحد كل الاخر كوم ياوسفه
دخل عالجيش مثل الضوء بلمت جام
ميشوفون غير الراس اليكطفه
دخل والجيش ضهره انطاه لعباس
وظل سيفه بكفاهم يصطر بحرفه
تولهم صطر عباس تعرف ليش
واحدهم كطن يتونس بندفه
درت زينب بعد مايرجع العباس
وباب الخيم وكفت فرد وكفه
ذبت ثوبه ولبست هدمه اغروب
من طالت الفركه وكبرت الهفه
ماذبت دمع ذبت بفكده اعيون
من شافت مهرته مبلله بنزفه
.احمد الغريب

[علي الشمري]

السلام على كافل زينب
السلام على ساقي عطاشى كربلاء
احسنت

[عصفورة لجوابر]

روعه يارائع حياك الله

[ولاية علي]

عاشت اﻻيادي ع الانتقاء الرائع
بارك الله بك اخي

[فقار الكرخي]

نورتو الموضوع
مشكورين