درر العراق

¥محبوب$القلوب¥ · 30/October/2014

عباس زينب عالعهــد ظلت تون وتنـــادي
ياخوية چا وين الوعد أقسم عليك الهادي
..................................................
ياخوية جيب الماي روي عيلتــه
هذا أخوي حسين صعبة مصيبته
بيدة الطفل مذبوح وأنظر حالتــه
هذا العليل الطاح يشكي بعلتـــــه
السجاد ظل يناشدة عمي العطش بفادي
..................................................
سكينة البقت عالماي تنطر جيتك
يابدر هاشم گوم وأعلن حيلتــــك
شد بحزامك سيف وأرفع رايتــك
من غيرة الكرار تجدح هامتــــك
كرار چنك بالحرب يالمـــاگدرلك وادي
..................................................
گام البطل عباس زمجر عالعـــــدة
طشر رؤس الجيش ذبحهم فـــــــدة
صال الغضب بالجيش وي أبعد مدة
ضحى الأجل لحسين مصباح الهدى
من طاح گال أنة الفخر ماأطيح أضل بمجادي
..................................................
ضل شايل العباس جربة بيسرتــــه
وأيمنة عالأعداء ترفع رايتـــــــــــه
طاح الگمر ماطاح ضل بهيبتـــــــه
ضل شامخ العباس رغماً حالتــــــه
وفاي ردلچ بالعهد د بال ردلچ صريع وحــادي
ـــــــــــــــــــــــــ ـــــــــــــــــ

خادم العترة المقدسة
الشاعر
الحسن الموسوي