عوف النـــــهر ياعباس **** و أكصد خيمنه
هجمت علينه الارجاس ****و أنته مو يمنــه

***********

يبو الغيره نخيتك *** و أسمعت نخواي
نار حشاي تلهب *** خويه نار حشاي
دهتنــــــه الخيل *** خويه مانريد الماي
يــــم المرتضى *** عندك عهد ويـــاي
العهد يبن الكـــــــرار ****ثابت عهدنـــــــه
وينك يبن حامي الجار **** خويه أنهضمنه

***********

أجت زينب ضعنهه *** بيه تسع أخوه
و تدري بالكفلهــــه *** بشاربه مروه
و تدري بيه يفــوت *** أعله الزلم كَوه
يجيب الماتي جوده *** وبيـــــه نتروه
نادتك عباس أشصــار **** عملت دهرنه
عن كربلاء و المختار ****خويه علمنـــه

***********

جمر كَلبي بفركَتك *** ما أضـــــــــــنه أيهود
يبن المرتــــــضـى *** وراعي الفخر و الزود
ياراعي العـــــــلــم *** يمته الخيمنه أيــــــعود
الف ياحيف صوب *** راســــــــــــك العامود
ماظلت ياخويه أنصار **** تحمي خدرنـــــــه
بين القدر و الأخــطار **** ياخويه صرنـــــه

***********

ردت للفواطــــم *** و بكَلب مهمــــوم
كَمر هاشم تكَلهن *** جن حلاله النـــوم
صيحي يا سكينه *** و صـيحي يا كلثوم
ما عدهم شــرف *** لا غيره هاي الكَوم
عالعرب راح أيظل عار **** كتلوا زلمنـــه
تتناقل تبقى الأخبـــــــار **** حركت خيمنه

تمت بعون الله تعالى