الحسن ثبت بالوصية يبني لأترحم أميه
************************
طلع جاسم والوجه مثل الكمر والعيون من الغضب صارن حمر
لأجل عمه وغربته يفدي العمر الشجاعة أوسامهم ولهم سجيه
*************************
رجف حتى الكون من طب للنزال تنطره امن بعيد وتهابه الرجال
عرف بنفسه وجاوب بالسؤال أنا محبوب الحسن سيد البرية
************************
حصد روس الكوم راعي المر جله من سطوته الشمر خاف وحرمله
بالجثث والدم غطه كربله وشرب العدوان كاسات المنيه
***********************
ورث هذا الزود من جده علي جده ابوالحسنين مولانه الولي
نزله الباري باشرف منزلي صولته بالطف صوله حيدريه
*********************
دمه بالميدان أصبح حنته والمثل هليوم أمه جابته
للجنان الحيد صارت زفته رمله تبجي عليه بهموم وآذيه
*********************

عاشق القاسم
سعد محسن جايان الحسيني

المشايه
يزوار السبط اقسم عليكم توصلوله سلامي وي مشيكم
لابن الوصي الكرار قسيم الجنه والنار
بحرمه فاطمه وجده نبيكم
&&&&&&&&&&&&
ابشر بالسعد يلزاير حسين ذنبك ينمحي وتلكه المسرات
اقصد تربته وشوف البراهين من تنخه السبط ماتبقى حاجات
حبهم بالحشريملي الموازين واضحى للملى نص واشارات
اصعب مشكله يكضيهه الحسين ربك فضله بهاي الكراما ت
ذكرو طلبتي برفعت اديكم
يزوار السبط اقسم عليكم
&&&&&&&&&&&&&
ثوره من العشك فجرهه بأسمه وعمت هالكلب كبل الميادين
رسمته اعله الجرح والآمي بسمه وشلته اعله الصدر مثل النياشين
همه اهل العبا والعدد خمسه ومن عدهم ظهر تسعه سلاطين
أضحى للشمس والثرى جسمه وجاد ابهل النفس في نصره الدين
دمعي وخافقي يترجهبيكم
يزوار السبط اقسم عليكم
&&&&&&&&&&&&&&&

منك ياسبط ناخذ تعاليم موبس المشي وطول المسا فه
أخلاق وصبر دين ومفاهيم ونسجد للاله طاعه ومخافه
الناس اتعنتك من الاقاليم نور واصبحت مركز ثقافه
انجسد ثورتك شعر وترانيم وبس الحضرتك تحله الخلافه

وصلوا محبتي الحضرة وليكم
يزوار السبط اقسم عليكم

&&&&&&&&&&&&
روحي تنتمي ليكم يالبرار خطي جعفري والاصل حيدر
تنزل دمعتي وامزجها بشعار جمره تحولت بعيوني تسعر
امشبك بالحزن والقلب محتار ادعي للولي يايوم يظهر
يوصل كربله وينادي بثأر هوالمرتجى وبسيفه يكدر
انا ومهجتي فدوه المشيكم
يزوار السبط اقسم عليكم
&&&&&&&&&&&&&


للشاعرة
طيبه الناصري
ـــــــــــــــــــــــــ ـــــــــــــــــــــــ



أنين المصاب

تعال اسمع بجي عيالك ونزف دمعي عله اوصالك
***********************
كلت باجر يمر طيفك وشوفنك يبن امــــي
يمر ليلي واّنه الوحدي الحزن والهم صفن يمي
تعال امسح دمع عيني يمن جيتك شفه الهمي
عليك اقسم يبو السجاد بدمه المحسن وضلع امي
تعال امروعه اطفالك تريد اتشاهد اخيالك
**********************
بخرابه موسطه العدوان ولاهاشم سوى السجاد
عليل ودمعه هم يجري وتزجره شما حجه الاوغاد
ورقيه بالاسر ماتت حزينه من كثر البـــــــــــــعاد
ويزيد الصَّدر احكامه علينه بكل حقد وعنـــــــــاد
ظلام ادركنه بنوارك علينه طالت اخبارك
*********************
ابطشت خويه انوضع راسك وعلينه تضرب جفوف ايزيد
ويبجيني لواك اليوم عليه تظهر دماء الــــــــــــــــــــحيد
سبايا احنه بلاد الشام صفه العاشر عليـــــــــــــــهم عيد
يسبّون الوصي حيدر وابونه الثبت التــــــــــــــــــــــ وحيد
حزينه اموحشه اديارك يخويه ارجع من اسفارك
********************

لون رايد يخويه الماي تطك كل عين لك زمـــــزم
ولون تطلب دوه الجرحك اكص شرياني الك مرهم
شفت عينك تصد ليه بعد ما راسك اتـــــــــــــكلم
نحيب اختك عليك ايطول الك بكليبي ظل مأتم
بتربتك شفنه اسرارك عليهه اتصلي زوارك
*******************



الشاعر الحسيني
سعد محسن جايان


ـــــــــــــــــــــــــ ـــــــــــــــــــــــ



ياآآآآلهي
تركت الخلق طرا في هواك و أيتمت العيال لكي أراك

فلو قطعتني في الحب إربا لما مال الفؤاد إلى سواك


فخذ ما شئت يا مولاي مني أنا القربان وجهني نداك

أتيتك يا إلهي عند وعدي منيبا علني أحظى رضاك


أنا المشتاق للقيا فخذني وهل لي منية إلا لقاك

أقدم كل ما عندي فداء و مالي رغبة إلافداك

سلكت الكرب و الأهوال دربا و جئت ملبيا أخطو خطاك


وطلقت الحياة بساكنيها وعفت الأهل ملتمسا قراك


تعهدت الوفاء بكل دين ودينك يوم عاشورا أتاك

فهذي أخوتي صرعى ضحايا و أولادي قرابين هناك


وهذا طفلي الظامي ذبيحا فهل وفيت ياربي علاك؟


وهذي نسوتي حسرى سبايا تحملت البلايا من عداك


يموت أحبتي و جميع قومي و يبقى الدين يرفل في هداك






...................




عباس اطمئن زينب مشت للشام
وضل بكربله تستوحش الصرعه
قسم باخرنفس مر عله ريت حسين
تطلع روحي مني وجهي ماطلعه
سمو الخدر زينب ماعليهه اشكال
سر حيدر وسره بزينب مجمعه
انه الخدر كله وعفت النسوان
اذا يم مريم اوكف تطلع مفرعه
بس مره صحت عباس جيب الماي
وذا مو كربله عباس ماسمعه
كال انتي الرباب وكتله زينب هاي
ودري الماتشوفه عيونك اضيعه
اخوي وما عرفني جاهذوله شلون
شتصور عرفني الماعرف ربعه
شكثر يشتاك جان لشوفتي العباس
حجالي وسبلت فوك الجفن دمعه
كلت عباس عيني وتيهت بالشوف
الملامح ماشفتهه وما شفت نشعه
بس مره شفت وجهي انعكس بالماي
مدري اشبه علي مدري اشبه البظعه
كبل جنت اختنك عباس جان وياي
لئن جان الهوه من تنفس يمنعه
ردت منه عذر يعذرني اخوي بهاي
نكع جفن العبايه وشافو الدمعه
انه بت ذيج الثياب المالبسهن عوز
وخيط بثوب ابوي يعادل السبعه
لذالك مو ركع جنت ستر للراس
عزلي احجاب منهه وبينت ركعه
ماهمني السبي وماهمني ذاك الظيم
بس غثني ليكول انذلت وينعه
ذمه عله المنابرلاتعيد بهاي
تره عباس اكله لسانك يشلعه
وعله طاري الستر ماقصر السجاد
بي يحجي الفخر وسولف الرفعه
جان اثار جدمي يذب عليهه تراب
وحته اثار ذيج الناكه المضلعه
انه عيوني يتامه وشوفت العباس
مثل شوفت علي والجايع شبعه




للشاعر محمد الطائي

ـــــــــــــــــــــــــ ـــــــــــــــــــــــ