عظم الله اجر ام البنين ====سيد كاظم الشرع
عظم الله اجر ام البنين
========
عظم ألله أجر أم البنـــــــين=ساعد ألله كلب أخت الحُسين
حسين وجه عل الصعيد=عل نهر مرمي العضيد
عظم ألله أجـر أم البنــــــين=ساعد ألله كلب أخت الحُسين
---------------------------
من بعد اليسر آمر يزيد الشام=ترجع للمدينه بت علي الضرغام
ردت هل الحرم متحـملــــه بآلام=تشجي للكفلها الشافته بالشــام
رجع ظعن ألعايله=بالدموع ألهامله
ساعد ألله كلب أخت الحُسين
عظم
وصلت للعراق وعاينت دربـين=واحد للمدينة واحد أعلى حسـين
نادت زينب بحسره وألم ووّنين=يعابد خل نروح أنواسي الطيبين
نزور كبورأهلنه= ونعزي ألكفلنه
ساعد ألله كلب أخت الحُسين
عظم ألله
جالن عل كبر بالحسره ولأحــزان=ليلى وزينب وجلثوم والنسـوان
هذا الماي أشرب يالمتت عطشان=بلجت ترتوي وتستقبل الرضعان
ردت من يسره=تعتب عل كفله
ساعد الله كلب أخت الحُسين
عظم ألله
خذن جولات يم كبرالغريب حسين=كامت تلتفت زينب يســـار أيمين
كال ألهَا علي يا عمه شدوريـــن=كالتله على أخونه مكطع الجفين
نطلع سهم البعينه =ونرجب الجفينه
ساعد ألله كلب أخت الحُسين
عظم ألله
وصلة للشريعه بلوعة الآهـــات=يم كبرالكفيل وتسجب الدمعات
تكله خويه شحجيلك يبوالكلفات=عساني ميته ولاطبت الشامات
ردت من يسره=مفجوعه بهله
ساعد ألله كلب أخت الحُسين
عظم ألله أجر أم البنــــــين
ثلث تيام ضلت والكلب مجروح=من كبر الكبرتفتر تجيم النوح
كاله علي ياعمه خل نــــــروح=نعزي فاطمه بحسينه المذبوح
كالتله يعمه= شتعذر من أمه
ساعد ألله كلب أخت الحُسين
-----------------
عافوا كربله وكصدوا أرض يثرب=حين العاينوا حي النبي كرب
العابد كلف الحادي بشـــر يكتب=شعر ويروح يم كبر النبي يندب
يخبرهم أبذبح حسين=والعباس والجفين
ساعد ألله كلب أخت الحُسين
عظم
يشر من وكته طوح وأعلن ألأخبار=وصل كبرالنبي يجري الدموع أعبار
صاح بصوت عالي وسمعته كل دار=جزاكم سومه ألبستوا الشنر والعار
يا أهل المدينه=تلكوا هل ضعينه
ساعد ألله كلب أخت الحُسين
عظم
الوادم طلعت ابلعوه وحزن وونين=طلعت كل أهل يثرب تهل العــــين
وتصيح بألم يا وسفه راح حسين=نهدم ركن الهـُدايا وما بكاله معين
نجمت تصرخ الناس=تبجي وتلطم الراس
ساعد الله كلب أخت الحُسين
عظم الله
لفة أم البنين وأوجبت يمــــــــــــــه= كالتله يناعي ليش هل المـه
أسمعك تنعى عل المظلوم أبو أليمه= ليمته يعود علينه ونشمــه
هل المرئه عجيبه= حالته غريبه
ساعد ألله كلب أخت الحُسين
عظم ألله أجر أم البنين
----------------
نشد عنه بشروستفهم مـــن الناس=عرفه وكام يحثي تراب فوك الراس
بكه محتار شيكله على ابوالنوماس=خاف تموت لوخبرهه عن عباس
صار يضم ألأسرا=أعليه يخفف الصار
ساعد ألله كلب أخت الحُسين
عظم
كال إله يحره يل تنشـــدين=ثلاثه طاحوّا أشبولج مطاعين
كالت له يناعي حجلي عن حسين=المهم سالم يرد وينصرالدين
فدوّه كل الولاد=وسالم أبو السجاد
ساعد ألله كلب أخت الحُسين
عظم
كال إلها أنجتل عباس الزهر=من أم البنين الدمــــــــع حدر
كالت له يناعي بحالي أشعر=كلي حسين سالم يمته يسدر
كالتله المهم حسين=فدوّه تروح له الجفين
ساعد الله كلب أخت الحُسين
عظم
كال أله بشر ياحره زيدي النوح=شفت حسين دامي على ألأرض مطروح
تعناله شمروالسيف بيده أيلـوح=يا حره ورضيعه بالســـــــــــهم مذبوح
وخلافه العقيله=مسبيه ونحيله
ساعد الله كلب أخت الحُسين
عظم ألله أجر أم البنين
خادم الحسين ع
سيد كاظم الشرع الموسوي
رد مع اقتباس
