((ألله يساعد الحره الأبيه =lمن بعد الأهل راحت سبيه))
((ألله يساعد الحره الأبيه))
ألله يساعد الحره الأبيه= من بعد ألأهل راحت سبيه
نزلة بالخرابه=علم ألله وكتابه
ألله يساعـــــــــد الحره الأبيه
-----------------------------
أجت مرت ألخليفه بموكب وزفه=تحف بيه خدمه وبيه متكلفه
صاحت بت علي والمدمع تذرفه=يم جلثوم يسكينه ألف وسـفه
أجت هذي هند بحسين تتــشـفه=واجب يا خواتي عنــه نتـخفه
أمس مرت الخليفه=تخدمكم وصيفه
واليوم أصبحت حاكم عليه=ألله يساعـد الحره الأبــيه
---------------------
ألأميره عاينت زينب تخفي العين=نشدته يحره موطنج مــــن وين
أريد أعرف أهلكم يا يساره منين=العقيلـــه جاوبته بالحزن وونين
يختي من المدينه أهلــي مبينين=كفيلي بكربله منه نكطـع جفين
وخيل ألأعوجيه=داست صدر أخيه
وجسمه عل النهر بالغاظريه=ألله يساعــد الحره ألأبيه
------------------
كالت يا أسيره يا مدينه هاي=مدائن عدنه بالأمصار كثره أهواي
يختي وضحلي يا بعد عيناي=عليكم زاد همي وذاب شحم جلاي
ودموعج يخـّيتي زيدت بلواي=أحجيلي بصراحه فسر يلي هـــاي
أكثر فصليلي=خل يمن دليلي
أشوفن حالتج صعبت عليه=ألله يساعـد الحره ألأبيه
---------------------
العقيله جاوبته والدمــوع اعبار= يختي عوفي هذا لا تهيجي النار
يختي من مدينة موطن المختار= ألشرفــه ألجليل الواحــد الجـبار
بيه تنزل الأملاك ليل نهــــــــار= ترتل بالكتاب تفسر ألأســــــرار
يزيدج ما حشمنه=باللطف أجره دمنه
سبايه عدكم بهاي المسيه=ألله يساعد الحره ألأبيه
----------------
لمن سمعة هند طاري النبي يصدع=عافت للكراسي البل ذهب تلـمع
طاحت عل أرض تتعـــفر وتخضع=نزلت من تختها وتسجب المدمع
عافت ذاك كرسيها وهوت تركــع=كرامه للنبي وللمرتــــضى ألأنزع
هند ولله شريفه=مو مثل السقيفه
احترمت فاطمه وسيد البريه=ألله ايساعـد الحره ألأبيه
-------------------------------
كالت يختي أنشدج جاوبيني زيـن=أحجيــلي بصراحه عني لا تخفين
أنشدج عـن نزل مولاي أبوالحسنين=بيه أترعرعت وياالحسن وحسين
عشت ويا العقيله هناك كثره سنين=من زينب يخيتي تعـــــــلمت للدين
عشت ويا العقيله=بت حيدر أصيله
زينب أنت أبونه خفـيه=ألله يساعـد الحره ألأبيه
------------------------
ضجة صارت ونوح ولطـــــم بالأيد=هندصاحت عليمن هل بجي ولويد
العقيله جاوبتــــــــه والنفس ترديد=يختي زينب آني بت علي الصنديد
أم جلثوم هاي وسكنـــه بنت الحيد=راس حسين يختي هــل بدين يزيد
من سمعة هند جنت=لطمت راسه وأنت
صاحت قبح ألله يزيد أميه=ألله يساعد الحره ألأبـيه
--------------------
عاين قدرة الباري شكتب بالـــوح=بعقردارأليذبحه يُندب المذبـــــوح
عفه صبرج يزينب والصبرممدوح=شلون تحمليتي وهم بكتلج روح
هند نصبت المأتم والكلب مجروح=أيام وليالي على الغريب وتنــوح
وتسلي العقيله=والعابد عليله
وتواسي البنات الفاطميه=ألله يساعد الحره ألأبيه
سيد كاظم الشرع
رد مع اقتباس
