هنا

[فقار الكرخي]

أشعار حسينية مكتوبة 2014-2015 ,شعر شعبي حسيني منوع ,مجموعة كبيرة من أشعار محرم الحرام





طلب من الله ابوفاضل بالصلاة
ربي تأمرلي ملك ينزل الي
آنه عديت المخطط للهجوم
ارد اوديه للسمه يقرا علي






حسين رتبه
وراتب بجيب الفقير
حسين حكمه وموعضه لهل الرتب
حسين لو قائد عضو بالبرلمان
ما يروح لمكه ويعوف الشعب








إلك يحسين آه أبين الضلوع
وما نبچي بدمع نبچيلك اعيون
يا دم انتفاضة اليغسل العار
ويا لاء الكرامة الهزت الكون
بس انته الملك وتخدمك الناس
وملايين اصبحوا لأسمك يخدمون
وما شايف ملك ينطي الخدم نور
وما شايف خدم بالعز ينامون
ونتشرف نصير اليوم خدام
ونموت بخدمتك ويه اليموتون .










لازم ترجع العباس ماينساك
ينشمي عيون وجهك كشخت المذهب
الدعيناله امس فتح عيونه وكام
شلون تنام وانت التدعي الك زينب






أترافكن روس ونحيب
وعيد ....
وطبول ....
وهبل حادي المسير ...
بدنيا بيهه الله غريب .
وبيهه راس حسين شاهد عالرؤوس
وجان جبرائيل شاهد مستحي
حسين ماينزل عليه وحي الاله
حسين يصعدله الوحي





اعيوني من البجي ياناس كفن
على اللي جاد دون حسين كفين
الك كفين يالعباس كفن
كفو منك يبن حامي الحميه





طلب من الله أبو فاضل بالصلاة؟
ربي تامرلي ملك ينزل الي!
انة عديت المخطط للهجوم"
وارد أوديه للسمة يقرا علي..






حظر اعتابك محرم هم ااجاك
لوم بل العباس اسلبة المفخرة
باب رزقك هاذة ياطف ياكفيل
الثورة متوكل خبز بچي السرة
علئ حساب الكمر ماجاملت رسول
وكلمت الحق فطرت كلبي ترة
لسانك لفرعلي زينب مو يزيد
لفاطمية ابظهر ابوهة مخدرة






على مصابك دم الليلة ... يهل كون
ويريت اللي سبو زينب .. يهل كون
سوادة وصـبـح مظـلـم ... يهل كون
الكمر غاب وغابت الدنيا علية






انته ياعباس طايح علفرات
ونشف ريج الكاع كله ابطيحتك
جي بدون اجفوف طايح ياكفيل
وحده كام الماي يترس جربتك
انته شامخ دوم متهزك جبال
فقط بس دمعات زينب هزتك







من زينب الحره المالگت عون
الى حضرة اخوي المرهب الكون
ومن بعد التحيه وحر الاشواگ
سلام من اليتامه اليمي يبجون
عفتني بنص مجرد بالشكل ناس
ذره من الرحم قط مايملكون






ما اعوف حسين لو تمطر يزيد ..
والشمر بالسيف يگطع كل قدم ..
اگصد وجف ايدي يوصل للضريح ..
وتبره كل عله ويفارگني الالم . .






بداء العشگ مبتلي واخدر حدر ناركم
نار السنين اختفت بحرة جمر ناركم
كوني زغير و شبت بلسعة لظا ناركم
احباب گلبي ارجعوا نيران شبت علي
صحت بثجيل الوله انخاك حيدر علي
ونة دعاء و طلب ردكم يسير علي
و الله الدليل احترگ بچوية عشگ ناركم








اســـمك والدمع شنهو العلاقه البــــي
عله طاريك اشوف ادموعي تركض طايحه
مصابك حار ابد مو مال الف اسنين
احس الطف عبالك صار قبل البارحه






اني من الصغر… مغرم بالحسين
لان شارب… حليب… بالمواكب





هذا الب (الفرات) تشوفه مو ماي
عرك من كصة التاريخ نازل







أنـه العاشگ صـــدگ مشتاگلك يحسين
انترس بالشوگ گلبــي وطفحت الملگه
صار أيــــــام أحس أبــــــروحي مامرتـاح
أشما أجــــــر النفس مابـي طعـــــم الگه
تـــــره العاشك الك مايغفه ساعه اللـيل
الهوه المـــــا بي وجودك ينگلب خنگه
أحنه اشعدنه غيرك بالعشگ موجـود
دنيــــــا ابلايه حبــــــك تخلص ابشهكه
اذا حتى الطبيعه أعلــيك تصفن شوگ
عابس مـــــــن تجنن بيك مــــــــــن حگه
اجي ابلهفه الضريحك وحضن الشباچ
احـــــيراً ويــــن اطش ابــــياكــتر شبگه







الماعشكوك مدري شلون مخلوقين
لكن للضرورة اصنام





ياحسين
أشهد ان الهواء في حضرتك
غير قابل للزفير






انه يحسين الريائي الراد بسمك يعله صيته
انه بلمظهر حسيني وباطنه اسود لو قريته
انه المكصر ابصلاته لكن مطول لحيته
جايك اتوسل ابابك ارد اتوب امنل حجيته






وازاني الغروب ورحت للخوه ...
مو للماي رحت النهر المروه ...
ييمه وداعتج لممن صحت عباس ...
ماجنه انذبح جنه انولد توه ...






الرمح كاشخ ابراسك صار عنده احساس
الكَاع ابجثتك حسنت مظهرهه
الماي اشكَد غبي لو شاربه اتعليه
وتختاره احتمال الزهره كوثرهه
ولو ما شابه ابوسط الخيام النار
ومن شعلوها ما تقبل توجرهه
جان الله بجهنم طفى حتى النار
القيامه اتصير جنه وجنه منضرهه






كلام السيده زينب(ع) مع هلال محرم الحرام؟؟؟
.................................................. .........
ربي هلال شهرك ماردت يطلع
وبكل يوم يكبر عيني دم تدمع
بيه اتموت اخوتي
وبيه ينكسر صوتي
وسبيه بهل الشهر للشام راح ارجع





نرفعهه هذا اليوم رايات الاسلام
ونعاهد العباس كل احنه خدام،







الرايه مايحتاج تنصبهه هالناس
منصوبه من اسنين شايلهه عباس






جبل بس الخواتة وطة روحة
فداهن دم رگبتة وطة روحة
بحث بالخوة عدي وطروحة
هناك اتناقشت بالغاظرية








يوم الطف عبس عل الگوم عباس
طب المشرعه وجن زلزال عباس
طبگه الميمنه عل الميسره عباس
والاحه بصارمه عباس گنطره
فوك العلگمي خله الجماجم گنطره
ماخاب الذي سماه سبع ال گنطره
لان سبع الگنطره واكف اسد عباس






ياحسين أنته حنين أنته من أهلنه ..
أحنه فقره ودوم نهوى ألبيه محنه ..
أنته باچر والخلگ كلها أمس ..
أنته رب الصوت وألوادم همس ..
عيني مشدوده أعله دربك ..
وياك أخذني روحي ما بيها صبح ..
وياك أخذني عيني تبچي أعله الرمح ..
وياك أخذني لا يشدني مغازل عيونك ..
وأعبدك وأنفضح .






يا اول عِطش ما يلتفت ع الماي
يا ذلة الماي النبذته جروفك
العسكر ما يهمك هذا مامعقول!
على الجربة التبدت مقتصر خوفك
عينك چي عمت هل گمنا كلنا نشوف
قليلة العين تدمى بذكرة طفوفك
اطب لحضرتك واحتار ابوسك وين
اذا لحسين نفسه مقبل چفوفك






لا تكتب سبوهه تزعل العباس
عله كيف ويه زينب ولك هاي اخته
ماترضه عله اختك ناس لو يحجون
ابو فاضل سكت مقتنع بالكلته






أحبك يابوفاضل موقف وروح…
وأحب بيك الجروح الترفض تهيد…
وأحب أيدك لحضة شمرة الماي…
وأحس لوحات صبرك بيهة تجريد…
أحب وكفة ضميرك والسهم جاي…
أحب هذا ألتزامك بالموااااااااعيد…
جبت كل عمري أشوفك عالنهر شاب…
هو أنتة أبو فاضل ياااااااا مواليد…





هوى حسين اللي يشمّه يظل بصير
واعمى اليشم غيره في شرعيتي
حسين علمني الحياة بسرعجيب
ورسخن دروسه بوسط روحيتي
كون حب حسين بدعه وكفربيه
آنه أول كافربعقليتي







طلعت والحزن غطه السمه اعلى الكاع
وجدم الخوف اول خطوته اتعثر
حرمه وجيش مايرحم مره واطفال
معذوره العقيله كون ماتكدر
لون الليل داهمهه وهي اتريد
تشوف حسين وين بيا ثره اتكنطر
عدهه اوياه حجي اكثر من الاهات
وانه اتأكدت اهاتهه الاكثر
لان من وصلته وشافت الجاري اعليه
شهكت للسمه وطاحت اعلى المنحر






لو عباس ماكو ماكو شي بالكون
الضوه الموجود من عباس ماخذته
ما افزع الدمع بس اذكر الجفين
تكله العلكمي العينين هاملته






عباس ماگتلي اشوكت ترجعلي
عباس رايح وين بس وضحلي
ها گتلي رايح للشريعه اترجاك
ارجع الفرگه وياك ماتوگعلي
سهله الفرات انصيحه عود انه وياك
عوفه انت خل وحده يجي ويخضعلي
عباس هم تدري من اصيحن عباس
حتى فراشات الورد تسمعلي
عباس معقوله صدگ تنطي اچفوف
لاخويه لا چا بيمن اتوقعلي







الساني ينجوي من اذكر العباس
هيج حرورة بي مثل الشمس يسطع
جان هلال بعدة وخاض ثلث حروب
من يصبح كمر بس كلي وشيصنع؟؟






عذرآ يابو فاظل بس غصب من جيت
اكتبلك قصيده وزيدت نوحي
كتبت اول شطر ماعندك انته جفوف
شظن راح اكمل تقبل اجفوفي
رايت العباس اشكن بيهه هاي
بطيحه الجفين ظل شكي يزيد
رايت العباس زينب والدليل
رفرفت زينب وصط مجلس يزيد





عن لسان ابا الفضل
يا سكينه
منين اجيب الماي وانه بلايه ادين ..
وهيه حيره ،،
وهيه عين ،،
بيه اعاين عل مخيم مدري اعاين عل حسين ..
لنه صوت من النهر عطشان زينب ..
ها زينب
انه كل تفكيري بيچ
هيه نفس الزمره ردت ،، رادو يدفعون باب
ومالگو بالخيمه باب ؟
حركو الخيمه عليچ ..










الله بكلبي ادري ويعلم بهل حال
هاي الومضه بدموعي اجاريهه
مااستـَزغـَر انه اليخدم اهل البيت
بس بعض البشر تجبرني أهـجيهــهَ
كبل بالسكته نبجي بشهر عاشور
هسه اشگـد مواكب ضحك بيهــه
وكبل حمزه اليبجي بصوته من ينوح
اذا يقره اعله زينب روحي يسبيهه
DJ هسه صارت واللطم ايقاع
دعوف جروح زينب لاتغنيهــا





تدري ليش الميت ايعصره القبر؟
وتدري شيصيح القبر في ميته؟
خاف حابس دمعة في حق الحسين
اليوم تطلع من ظفر سبابته



أشعار حسينية مكتوبة 2014-2015 ,شعر شعبي حسيني منوع ,مجموعة كبيرة من أشعار محرم الحرام

[وليد حسين]

ياحسين أشهد ان الهواء في حضرتك غير قابل للزفير
شكرا اخي على النقل

[علي الشمري]

حلوووووووووووو
عاشت ايدك

[3laa]

[مْلُڪة ﺰمْآنْيُ]

احسنت
عااااشت الاااايادي

[عاشق درب الوفاء]

رؤؤؤؤؤؤؤؤؤؤؤؤؤؤؤؤعهـ عاشت أيدك

[ملاك الاحساس]

ابدعت وعاشت ذائقتك
تقييمي

[¥محبوب$القلوب¥]

أحسنت النشر شاعرنه المبدع

[سمراء من قوم عيسى]

شكرالك يا مبدع

[د. حسن سعيد]

جزاك الله خيراً فقار