معكرونة بصلصة حمرا بالكاري و اللحمة الشقف
معكرونة بصلصة حمرا بالكاري و اللحمة الشقف
الجديد في هالوصفة انو ما رح نسلق المعكرونة
قبل الطبخ رح تنسلق بالصلصة و مرقة اللحم مباشرة هالشي اللي رح يخليها متشربة الطعم بشكل رائع و طعمتها مميزة
المقادير
نصف كيلو لحمة شقف تكون طرية اما غنم أو عجل صغير ( بتلو )
بصلة كبيرة مفرومة ناعم
حبة فلفل رومي أخضر مفروم ناعم
حبة فلفل رومي أصفر أو أحمر مفروم ناعم
حبة فليفلة حارة ( اختياري )
كيس معكرونة شكل أسطواني ٤٠٠ غ
نصف كاسة بندورة مفرومة ناعم
نصف كاسة عصير بندورة مضروبة بالخلاط
ملعقة كبيرة صلصة طماطم
٢ كاسة مرقة سلق لحمة
كاستين و نصف ماء عادي أو يمكن استبداله بماء سلق اللحمة إن توفر
البهارات
بهارات صحيحة لسلق اللحمة ( حب هال و عود قرفة و فلفل أسود حب و بهار حلو حب و ورق غار و قرنفل مسامير )
معلقة صغيرة مملوءة كاري
ربع ملعقة صغيرة زنجبيل بودرة
ربع ملعقة صغيرة فلفل أسود
ربع ملعقة صغيرة فلفل ابيض
نصف ملعقة صغيرة بهارات كبسة
ملعقتين صغار ملح حسب الذوق
الطريقة
نسلق اللحمة مع البهارات حتى تنضج و تصفى من ماء السلق و البهارات
نضع زيت في مقلاة و نقلي البصل حتى يذبل
نضيف الفلفل الرومي الأخضر و الألوان و قرن الفليفلة الحارة و نقلب حتى يذبل
نضيف البندورة المفرومه و عصير البندورة و صلصة الطماطم و نقلب على النار و تترك حتى تتسبك
نضيف ماء سلق اللحمة و الماء على الصلصة و نضيف البهارات و الملح و يمكن تعديل الطعم
بزيادة البهارات حسب الرغبة و تترك تغلي دقيقتين
ننزل اللحمة في الصلصة حتى تاخد طعم البهارات و تترك ١٠ دقايق ثم ترفع من الصلصة
ننزل المعكرونة كما هي في الصلصة دون سلق و يجب أن تغمر المعكرونة بالصلصة و فوقها اصبعتين سوائل
تغطى الطنجرة و تترك لتغلي دقيقتين ثم توطى النار تماماً
بعد ثلث ساعة نكشف و نقلب منعاً لالتصاق المعكرونة أو أن تحترق من تحت
و نعيد الغطاء و تترك لتنضج ١٠دقايق كمان
يجب أن يبقى فيها قليل من الصلصة و السوائل بتكون أطيب
وبالهنا
رد مع اقتباس
