هنا

[فقار الكرخي]

كل ظنك حسيناً مات عطشان
وكل ظنك خذو زينب سبية !؟
وكل ظنك طاح البطل عباس
وجفوفة تگطعت باالغاضرية
وأضن هم تعتقد گطعوا راس الحسين!!؟
وطاح حسين ميت علوطية
گلي شلون شيعي وتعرف احكام
وگلي شعلموك اهلك قضية
سمعت باالنبي عيسى يكلم الناس
طفل مرسل نبي بأعظم قضية
سمعت بأهل الكهف روح اقره قرآن
ناموا جم سنة باالسبعمية
سمعت عصات موسى الشگت الماي
البحرنصين صار انشطر ميه
عدهم بس حرف وبي گلبوا الكون
واسم الله الأعظم تدري ميه
تسعين ويه تسعه عند الحسين
شلون اقتنع ذبحته أميّة
نعم قد شبه الهم ذبح الحسين
مثل عيسى انرفع ابن الزجيه
ونعم قد شبه الهم سبي النسوان
عرض الله هذا وذول أميّة


م

[علي الشمري]

عاشت ايدك

[فقار الكرخي]

نورتني حبي ابو حسين