هنا

[فقار الكرخي]

فتش مهرتك بلكي بضهرها مكان-
شتخسر من تضمني بجربتك دمعه-
اريد وياك اروحن مو طمع بالماي-
اريدك للخيام تخلي خط رجعه-
ياعرگ النهر زحمه عله ماي تموت-
وانته الغيم بيدك عالسمه توزعه-
قنعني بعذر گلي النهر غرگان-
وتحزمت بجربتك رايح اتطلعه-
ماچذب عليك الصدگ عطشانين-
الموت وانته سالم نگدر نجرعه-
لتخاف اليموت انحلفه بيك يعيش-
ومن جرف الفرات بأيدك ترجعه-
جزر هسه النهر خل تجي المده وروح-
وماي الجزر خابط نستحي نجرعه-
لان دويّ الخيم خنگته سكتت ماي-
المثلك بالأشاير نخجل نودعه-
ألاخرس ينعذر بس احنه مو خرسان-
العطش خله اليريد يسولف بصبعه-
علامك ياحياة استعجلت عالموت-
ياموت بهذني سنينك تشبعه-
موت بسبع تشهر مو تموت بيوم-
تذكر جييتك ماصارت بسرعه-







م

[نـرٍجٍـس آلُِـمـوُسـوُي]

الله الله روووووعه

[سمراء من قوم عيسى]

[علي الشمري]

روعااااااااااااااات

[فقار الكرخي]

نورتو الموضوع

[ملاك الاحساس]

ياعرگ النهر زحمه عله ماي تموت-
وانته الغيم بيدك عالسمه توزعه-

الله
آآآآآآآآبداع × آآآآآآآآآآآبداع

[فقار الكرخي]

نورتيني يالغاليه

[نورالهدى الربيعي]

رؤؤؤؤؤؤعه

[ولاية علي]

بارك الله بك اخي

[فقار الكرخي]

نورتو الموضوع
مشكورين