قصيدة جديدة 2014
للشاعر العراقي المبدع حسين ميران
فهمني كلبك مايحن ع الحبوك
معقولة كلبك هاذ من لحم ودم
جدمي عله دربك لا يمل لا يرتاح
يمكنة كلبي عله البواجي اتعلم
حبيتك وادري الخلك بيه تلوم
واسهرلك وأنه ادري تاليهه أندم
جنت اصفة كل حيلي منريد احجي وياك
بجلماتي ركز راح تعرف زم زم
بكل مغربية تطيح من عندي عيون
وارجع واخلص الليل بالملكه أحلم
زارعلك بكل زاوية بروحي ورود
مارايد أكثر غير بس ما اشتم
عطر العشك واصل لحد سابع جار
بطرك العشك باقي وبكلشي اتلعثم
اذبحهه عله قبله وكلي ترجع لولا
دنطيني رأس الخيط خليني أفهم
حاجيني بالنظرات ماتعبك كول
بأنفاسك اكدر عود جلمات ألزم
رد خلي اسولفلك عليك وارتاح
رد لا ايبين بالوجه طعم الهم
كل عقلي أعيش الصفنة مو حجي السان
يله ماضكت حسباتي لمن تلتم
بين اليجي ومابين ماضنة ايعود
اتزوهر بكل حسبة جني مسمم
فوك الوجه بانت ملامح فركاك
كمت أمشي بين الناس وجهي املثم
خاف انفضح شماتي زله ايدورون
لو وردة بيدي منالطعن ما تسلم
كل هذا وانت استكثرت يمي اتعود
شما ردت اسولف ما اضنك تفهم
طبع اليحب يشتاك ويضل سهران
وانت الله يعلم جاي بيمن تحلم
<strong>
رد مع اقتباس
