هنا

[وسـام]

بسم الله الرحمن الرحيم

.

.

حين يمتزج الجنون بهوى العشق الحسيني
تصدح الحناجر وتزمجر الثنايا في كيان الإنسان
لتروي فناء الوجود بعبق حب الحسين إبن علي عليهما السلام
فتسابق الخطوة كل خطوات الأقدام ، وتسمو الروح على سحب العلو والإلهام
ويندب الحال كل محال . . فتهتف الأرض في الآفاق معلنة :

[ قائدنا الحسين ]

أضع بين أيديكم كلمات قصائد إصدار الملا باسم الكربلائي الجديد - 1436 هـ
استميحكم عذرًا عن أي خطأٍ إملائي أو لغوي

جينه مشاية
للشاعر / السيد عبدالخالق المحنه

ما نستراح ونسرع بممشانا ، خولة ورقية وفاطمة ويانا
يا عباس رفت الراية . . يا عباس جينه مشاية


يالله يا أطفال الوفا شيلوا رايتنا ، حتى الملايك تزدحم وي مسيرتنا
خطوة رقية بالمشي بطول خطوتنا ، لو نستراح من التعب قوموا نادتنا
على الراس واحنا وفاية . . يا عباس جينه مشاية

* * *

نمشي ويسامرنا الدمع والدرب حسرة ، بكل موكب نشاهد أثر لدمعة الزهرة
وي كل طفل شفنا الحسن بأول النظرة ، ويقله أبني بهالعمر وانقطع نحره
والإحساس دمعة وحجاية . . يا عباس جينه مشايه

* * *

استقبلنا حيدر بالنجف ما يضيعنا ، الحد ما وصلنا لكربلا ظل يتابعنا
لمن اجه علي الأكبر بيده ودعنا ، نقرا شعارات المشي هوا يسمعنا
ولا باس نتعب اهوايه . . يا عباس جينه مشايه

* * *

كل خطوة نمشي نستمع يا هلا بيكم ، ياللي قصدتونا مشي الله يحميكم
وعيون ابو فاضل شابحه اعليكم ، جف الحمايتكم بقى وجف يحييكم
يا هالناس انتوا بحمايه . . يا عباس جينه مشايه

* * *

يالرافع الراية انتبه لا تنزلها ، زينب تباوع لك تظل ويا كافلها
وتقلك يحرسك علي ياللي شايلها ، هالراية تجرح ناظري من اصد إلها
والإحساس كسرة أمرايه . . يا عباس جينه مشايه
وارث المسمار
للشاعران / كرار حسين الكربلائي و د. أحمد العلياوي

[ نعي ]
من منارات الحزن أذن وحي للعزاء ، وجبت علينا صلاة النايحه والبكاء
المهدي يتوضى بدمعته وكعبته كربلاء .. كربلاء .. كربلاء

[ القصيدة ]
وارث المسمار أحزاني معي لا تزول
ذلك الكسر الذي في أضلعي للبتول
كربلاء صوتٌ على في مسمعي للخيول
كربلاء . . كربلاء ، كربلاء .. كربلاء

بجفنك الدمعة الحسينية علم للرثاء
بالمآتم تحضر تواسي الخدم بالبكاء
ثوبك الأسود تجي إلباب الحرم والنداء
كربلاء .. كربلاء ، كربلاء .. كربلاء

ذابلٌ من عطشٍ هذا الضريح والقبور
راكضات نادبات يا ذبيح والنحور
هرعت عطشى إلى نهر جريح وتدور
كربلاء .. كربلاء ، كربلاء .. كربلاء

بعبرتك تقرا الزيارة وتندعي بالضريح
ع الصدر تلطم تحب صوت النعي للذبيح
هذي آهاتك صداها بمسمعي من تصيح
كربلاء .. كربلاء ، كربلاء .. كربلاء

انظروا في القبر جدي ما استراح لا ينام
كلما يسكن تأذيه الجراح والسهام
فيه قد صرنا كأشجار الصباح للحمام
كربلاء .. كربلاء ، كربلاء .. كربلاء
توزع الماي ودموعك جاريه يا وحيد
تعتني طفلة وتقلك ظامية ماي اريد
تنحب وتذكر رقية الغالية والنشيد
كربلاء .. كربلاء ، كربلاء .. كربلاء

تركض النار على طفل هنا وهناك
زينبٌ تهتف فالشمر دنا من حماك
عميت عيني على رأس القنا وتراك
كربلاء .. كربلاء ، كربلاء .. كربلاء

لو شفت حرمة تون يبن النبي ب الطفوف
تبجي وتروح على تل الزينبي بيه تطوف
تنادي آه يا زينب وآه يالسبي من تشوف
كربلاء .. كربلاء ، كربلاء .. كربلاء

ناعيًا ابقى وابكي عمتي والقتيل
اشعلت نار الخيام مهجتي والعويل
انا مشتاق لماء القربة والكفيل
كربلاء .. كربلاء ، كربلاء .. كربلاء

قائدنا الحسين
للشاعر / لؤي الهلال

من الشريان . . إلى الشريان
حسين يحيى ولا من ثاني

بدرب الشوق يسبيني زماني ، ومن حلم إلى حلم رماني
على نهر وفي طف تراني ، فتحكي العين ما يخفي لساني
حسين ديني . . به تكويني . . له تسليمي .. له إذعاني

وليت العمر يفديه انتمائي ، حسينيًا إلى صدر السماء
ولائيًا إبائيًا فدائي ، بكائيًا عزائيًا رثائي
مسير العمر . . بلطم الصدر . . وعهد باق . . بكونٍ فاني

حسينٌ منذ مهدي شمس فكري ، أراه مشرقًا في كل شيء
أبٌ يحنو ويمحو كل عبء ، عذوبًا شافيًا من كل رزأي
فهذا الوالد . . ونعم الوالد . . كروم يعطي . . بلا أثماني

حسينٌ عالمي يحيي جهاتي ، هو الأستاذ في معنى حياتي
يربيني يغذيني ثباتي ، ويهديني ويهديني نجاتي
وربي شاهد . . حسين قائد . . دمائي جندٌ . . إذا ناداني

إذا خان الكلام إقرأ مشاعر ، تراها صورة فاضت شعائر
وسارت موكبًا يغشي النواظر ، ومنها تتعلي رايات عاشر
ويعلو الصوت . . به آمنت . . لسان الشيخ . . مع الولداني

شاء الباري
للشاعر / كرار حسين الكربلائي

شاء الباري تشوف أنظاري جسمك مفصول من الراس
تدري بوضعي لوما ضلعي صدرك ما بالخيل أنداس
أقطع جفه إليقطع نحرك أمر الله وصار اللي صار
بهاي جفوفي أحفر قبره بس تدري لو ما البسمار
صدرك ما بالخيل إنداس

تبجي جروحي وشاغت روحي لجف العباس المقطوع
الكافل إخته لو حاضرته إنطي إبدال اجفوفه اضلوع
عيني الحمرا فدوة لعينه ولو موجودة افديله الروح
بيتين أنصب يم جفينه بيت أحزاني وبيت النوح

لو ما متني عيالك يبني ما توصل لخيمها اعداك
وإختك زينب ما تتسلب ولا ع التل توقف تنخاك
تدري بأمك لا ما تقبل زينب تتجتف بحبال
أنصب روحي لزينب محمل بس لا ينشاف الها خيال
واعيوني لزينب حراس

الكافل وينه شفت سكينه مجتوفة تصلي على النوق
ما تحجيلي بس تبجيلي وراوتني الثوب المحروق
وأم عبدالله تنادي اوليدي اتلون وتتخيل موجود
كون احميهن بس اشبيدي هالمكتوب من المعبود

اشتتوقعني اصبر يعني برباة العز مسبيات
اشقد آذوهن من وقفوهن بديوان وبين الشمات
والعذبني بنتي رقية أنظرها على اتراب تنام
شافت راسك المسبية ي حسين وماتت بالشام
لما شبقت هناك الراس
اشما انطيها ما اوافيها الضحت لي بأربع شبان
إبدور انطتني ومخجلتني بس تبجي لك يا عطشان
وياها اتلاقى بيوم المحشر من اطلب ثار الجفين
هاي الطيبة يابو الاكبر بمصابك واستني سنين

معذور
للشاعر / السيد عبدالخالق المحنه

معذور جفك وقع والحومة كلها سيوف ، قلبك يريد النهر والسيف راد اجفوف
محتار إلمن تصد . . والدنيا بيك تدور/ تدور تدور .. معذور

جاي بطريقه السهم وانت شبحت العين
تنصاب عين الوفا وينصاب قلب حسين
لا توقع من المهر يالما إلك جفين
من توقع على الثرى بيمن تصد يا ترى ، احذر ي بن حيدره جف الوفا مبتور

يالجودك بلا عذب إلمن تريد تعود
شتجاوب الينتظر لمن تجي بلا جود
شيصبر أم الخدر وانت بلايا زنود
آخر أنفاسك تعد عن الخيام ابتعد ، لا لا تفكر ترد جنح الخيم مكسور

ها يالطحت ع النهر والموت قرب ليك
اليوم كسرة ظهر وحسين طاح إعليك
يالله استعد للعتب زينب اكيد تجيك
شتجاوب اشتعتذر من تعتب أم الخدر ، بعده الطفل ينتظر والعلقمي محظور

دمك يطول عجب زينب تصيح الويل
صاحت يا غيرة علي أنهض اجتنا الخيل
من يحرس العايلة لمن يجينا الليل
لامو وكت نومتك ترحل وكت عازتك ، يابو الوفا مروتك والعاتبك مجبور

لمن أجاك الأخو وانت عدو احسبت
قتله يا هذا انتظر لوداع اخيك ردت
قلك يابن والدي لوداعك انا احضرت
يالمستحي اتعذرت وانت لا قصرت ، اشحالك لون عاينت أبن النبي منحور
عافك أخوك ومشى لكن مشى بيا وضع
محني ويهل مدمعه بس اشيفيد الدمع
من ونته لمصرعك حتى الحجر ينصدع
راح وترك دمعته وبمنحرك قبلته ، زينب إذا جافته يخفي الدمع مجبور

عطر يوسف
للشاعر / ناظم الحاشي

[ نعي ]
ما عندي غيرك منقذ إمن أجيتك ، جايب ذنوبي وجاي واعتنيتك
باب الشفاعة والفرج لقيتك ، يا حسين يا من بالمهد هويتك
يا حلم عمري وأبد ما نسيتك

[ القصيدة ]

قميص إلبيه عطر يوسف نشم عطره بحضرتك ، ترد روحه إليجيك يزور ويقبل عتبتك

يا ريح يوسف ريح من حضرتك ، يعقوب دمعاته عشر دمعتك
يونس غربته مو مثل غربتك ، ولا ذبح يحيى إلأشد من ذبحتك
وأيوب صبره ما شهد قدرتك

آدم حياته إشتقها من حياتك ، نوح ونجاته من سفن نجاتك
موسى الكليم اتعبد بصلاتك ، عيسى بصفاته منهل بصفاتك
ما عند محمد بشر من غلاتك
وحيدر علمك حملات فقارة بضربته ، ترد روحه إليجيك يزور ويقبل عتبتك

وياك رابط للأبد مصيري ، إنت أمامي وسيدي وأميري
وأنا بجهادك حددت مسيري ، ملهم أفكاري وبالعسر نصيري
وأنت شفيعي وبالحشر مجيري

لأجلك رخيصة بكل زمن دمعتي ، يا حسين وأسمك شاهدت لعبرتي
وبليل حزنك ما طفت شمعتي ، والذبح نحرك ذبح كل فرحتي
محرابي انت وبالصبر قبلتي
قبلة اتطوفك الأحرار وتحج بقبلتك ، ترد روحه إليجيك يزور ويقبل عتبتك

زاير واجيتك سائل على بابك ، عارف بحقك مؤمن بكتابك
طامع بعفوك موقن بإيابك ، قاصد ضريحك شاهد بعذابك
يا حاضر بروحي رغم غيابك
ما عندي غيرك منقذ من إجيتك ، جايب ذنوبي وجاي واعتنيتك
باب الشفاعة والفرج لقيتك ، يا حسين يا من بالمهد هويتك
يا حلم عمري وأبد ما نسيتك
زاير وأعتنيت إلباب محتاج إلنظرتك ، ترد روحه إليجيك يزور ويقبل عتبتك

بالكعبة أطوفن سيدي من أطوفك ، شايف رسول الله من أشوفك
يا جرح روحي وأبد ما أعوفك ، يا حسين كاتب ع القلب حروفك
للموت يا مولاي ما اعوفك

من كرم جودك جود كرمتني ، وبنور فكرك نور نورتني
من صبر طفك صبر علمتني ، ما بين ايديك إلربي قدمتني
شيعي وموالي وأبد ما عفتني
سفينة وللنجاة اتصير بالمحشر وقفتك ، ترد روحه إليجيك يزور ويقبل عتبتك

من قبس نورك ماخذ انتمائي ، ومن بحر جودك مرتوي بولائي
شيعي ومحبتك تسري وي دمائي ، لوما جهادك ما صرت فدائي
ولا جان جارك بالحشر جزائي

أنت هويتي ومذهبي وكياني ، شيعي وآلهي لدينك اصطفاني
وانت ملاذي من غدر زماني ، واسمك يحل كل عقدة من لساني
وافتخر بيك من المهد كفاني
ي الحزنك جمر ب الروح ما تبرد جمرتك ، ترد روحه اليجيك يزور ويقبل عتبتك

عقلي بمحبتك يشهد بجنوني ، ولا غير شمسك تملي ضي عيوني
ذبلت لجلك بالسهر جفوني ، ولا ساور الشك بالعشق ظنوني
وانت إمامي بيوم يسألوني

يا من فنيت بخدمتك شبابي ، آية محبتك نزلت بكتابي
صارت نجاتي لو حضر حسابي ، وأيام حزنك سيدي وعذابي
صفحة أعمالي وبالحشر جوابي
نزلت من صرت يا حسين آيات بمحبتك ، ترد روحه اليجيك يزور ويقبل عتبتك

[Zainab.H]

شكراا لك اخي ووفقك الله .

[حيدريه الهوى]

رررررررررررررررررروعة

[ولاية علي]

شكرا ع المجهود
بارك الله بك اخي

[وسـام]

حياكم الله