إلمــــــــن كَاصدينك هالملاييــــن , شعر شعبي حسيني
زنجيـــل الأثــم ملفــوف عالكَــــاع
أشتركنــه أبدمك أفراد أو قبائـــل
كل أحــنه أشتركنه أبيوم عاشـــور
مو بس الشمر يحسيـــن قاتـــل
صلينــه وره مسلـــــــم صلاتيــن
والباقيــــــــــن ظلو بالمنـــــــازل
أذا جتـــك رسايل منـــه يحسيــــن
بعد يحسين لا تقبــل رسايـــل
خجلنه أو مستحانه هاي الأيـــــــام
درب العوز عثرت بيه أصــايــــــل
هذا شاهــــــدك يحسين موجـــود
بقــه مجدك أو مجد إعداك زائـل
إلمــــــــن كَاصدينك هالملاييــــن
وإلمن فارشــه الكَاع العوائــــــل
ريحانـــــة الزهره أو علي الكـــــرار
داحـــي الباب حلال المشاكـــل
ابــــــد والله ما ننسه حسينــــاه
هذا بكل زمـــن تحصيل حاصـــــل
رأسك مــن تعلى فوك الارمـــاح
ظل راس الزمــــن لليــــوم نـــــازل
بالطف أستقام الدين بحسيــــن
لو لا الطـــــف بقى الميــزان مايــل
نور أبحضرتـــــك يطلع بالغـــــروب
شمس وإنطت ظهرها للسنابــل
يبـو روح العزيزه أوبيها ضحيـــــت
الشرف مــنك أويبطل يا بو فاضــل
هذا البالفــــرات أتشوفه مو مــاي
خــجل من كَــصة التاريـــخ نــازل
هــــاي الغانمه بكل الحسابـــات
يلمـــا وصــــخ ابهامــــك تنـــــازل
من طاحت الرايه من ايد عبـــاس
بحظرتــــه اليـــوم تنشال بهلاهل
((( كاظم اسماعيل الكاطع)))
رد مع اقتباس
