هنا

[فقار الكرخي]

(السيده زينب تخاطب الأمام العباس عليه السلام )
ياضوه عيوني ومنيتي ابهاذا الوجود
جيت اذكرنك بينك اوبيني العهود
لو رحت روحي خصمك ولوها
وياهوه عكبك بالخدر يمشي أويعود
**********
انه ياعباس اجيتك خايفه من ايصير باجر
والحرب تشتعل ناره وتهجم علينه العساجر
احنه قله اوهمه كثره والخطر بالخيم داير
شنهو رايك يا شبل والحرب باجر تشتعل
أولياني لو خلصو جتل وصبحيت ابغير ناصر
انته كفيلي والنعم منه الكفيل
عباس اجيتك والجسم راكد نحيل
صعبه اعله خيتك من يشوفوه
او ياهو عكبك بالخدر يمشي او يعود
*********
ايداور الخوف ابخيالي صوره توحيلي الحزن
جني اسيوف بيه اطيح وطير اليمن
ومهات اتون ثكاله وحنت الفاجد تحن
وانه عتنيتك يابدر يازهوة اسنين العمر
كارصني كلبي اعله الذخر وخايفه او كل ليله اون
خوفي اعله اخوتي هبيتي او هكوت رجاي
نفحه عطرهم الكاعي من تصحر فياي
تبتشر روحي لمن يجوها
ياهوه عكبك بالخدر يمشي او يعود
**********
هاي عين او بيه دمعه او هاي روحي ابغير راحه
عندي هضمه او غيض واحد يتعب الرايد سماحه
عندي ماتم وسط كلبي بي نعي اولطم او نياحه
امك او امي ابهل كلب التمن كبل يوم الحرب
مدمعهن اعليكم يصب والحزن بين وشاحه
ترضه يعيوني ونتي او ونهن يدوم
يابدربعدك ماتعوضني النجوم
انوارك ابروحي ما يزيلوها
ياهوه عكبك بالخدر يمشي اويعود
**********
من سمع عباس اخيته صاح يازينب اخوج
واكف اوسيفه ابيمينه او يكص روس اليوصلوج
انه اخيج شبل حيدر وينهم فنهم يجوج
من عندج اطلب ونتظر لمن يطل نور الفجر
وشطرلج الفارس شطر فارس او من ظهر ابوج
انتي شوفيني ابساحه الحومه اصول
فوك المطهم اصعد ابهمه واجول
وكفتي ابسيفي خل يذكروها
ياهوه عكبك بالخدر يمشي او يعود
************
والنعم منك تكله ياشبل حامي الدخيل
هسه كلبي ابتشر توه وجفت الدمعه التسيل
ادري دون حسين باجر تشهر السيف الصجيل
واعرف ابشخصك لو حمل يرسم عله عيون الامل
بالنهروان اوبالجمل الك موقف يالكفيل
يابطل حيلي حيلي من حيلك يزود
انته ابن فارس ذبح ابطال اليهود
اوهمتك ادري مايلاكوها
ياهوه عكبك بالخدر يمشي او يعود
**********
على لحن
يمه ذكريني من تمر زفه شباب




منقول

[أمواج البحر]

السلام عليكي يا مولاتنا السيدة زينب
شكرا ع النشر

[علي الشمري]

احسنت وعاشت ايدك

[فقار الكرخي]

نورتو الموضوع

[Ali ALBASRY]

جزاك الله خيرا

[فقار الكرخي]

نورتو الموضوع
ممتن لكم

[الاسمر العراقي]

أحبـك..... أحبــــك .... جـدآ ..... جـدآآآآآ
أحببـــت فيــــك كــــل مــــــــافيــــــــــــك
أحببـــت فيـــــك حـــزنـــك وشجــــونــــــك
أحببـــت فيـــــك طيشــــك وجنــــــونــــــك
أحببـــت فيـــــك غضبـــــك وهــــــــــــدوءك
أحببــت فيــــــك عطفـــــك وحنـــــــــــانــك
أحببـــت فيـــــك لهفتــــــك واشــــــواقــــك
أحببــت فيــــــك فــــرحـــك وسكـــــونـــــك
أحببــت فيــــــك عطـــــــــر انفـــــــاســـــك
أحببــت فيــــــك صهــــــــوة شعـــــــــــورك
أحببــت فيــــــك رقــة وعــذوبـــة كلمــاتـــك
أحببــت فيــــــك احســاســك وهمســاتــك
أحببــت فيــــــك الحــــب فـــى سطــــــورك
أحببــت فيــــــك العشــــق فــى معــــانيـــك
أحببــت أكـــــون عنـــــــوان قصـــيدتـــــــــك
الى سيدي ومولاي الحسين ع

[فقار الكرخي]

نورتو الموضوع
مشكورين عالمرور

[لحن السعاده]

الله يعطيك العافيه ...

جزاك الله خيرالف...