السلام عليكم
شلونكم بنات / شباب
طبعا هذي القصه صارتلي السنه الي فاتت ، بس تضحكني كلما أتذكرها
كالعادة البنات وسوالفهن ( أظافر _ و ( شكالات ) _ ومكياج )
الجنطه تمتلي بالممنوعات والكتب بالأيد هع
في يوم كاعدات نسولف و نضحك فجأة ، وكأنما أحنه بالجيش ناقصنه بس بوق الحرب ، تدخل المديرة والمعاونه ، وتصرخ الأخير بعد ماضربت الباب بقوه بإيدها
تفتييييش .
بالصدفة أثنين من البنات كانوا متواعدين على أنو تجيب كل وحده منهم كريم ( حب الشباب ) لثانيه و يشترون ( دلالات حتى بالمدرسة هع )
المهم وين نضمه و ورى هلسالفه فصل .
الوجوه صفر ، والقلوب تنبض بسرعة ، وصوت المعاونة المخيف
أتركوا الجنط وأوكفوا بعيد
فكلت للبنات أنطني الكريمات عندي ، عود ردت أسوي خير هع
تفتشت الجنط وأنا جنت ضامه الكريمات بجيبي
وفجأه جاءت الصدمة راح نفتشكم .
وأنا بديت أخاف وجنت راح أبجي ، بس تماسكت ولأنه بنات هووواي تحركت بخفه وضميت الكريمات ( بسلة النفايات ) هع
كملوا التفتيش وأنا هنا أرتاحيت والبنات تعجبوا شصار ، كتلهم بعدين أسكتوا هسه
والمصيبه ، صاحوا لعاملة نظافه تفتش ( سلة النفايات ) كاد أن يغمى علي ماذا سنفعل هع
شافوا الكريمات ، واجه الصوت من منكر و نكير هع لمن هذا ؟
الوجوه صفر دنكت أنا وسكته الصف والخوف وواضح ، عادة سؤالها ، و نزلت دموع البنات
وبالنهاية اجه الاعتراف أحنه ست جبناه .
أخذوهم للمحكمه ( الأداره )
ننتظر السجناء وأخبارهم بلهفه
وفجأه
أجو يضحكون
ها شنو صار
طلعت سلامات ، وكتبنه تعهد ما نجيب هلسوالف ، و واسطة مدرسه وطلعنه بخير .
يوم لا ينسى ..
رد مع اقتباس
المشاركة الأصلية كتبت بواسطة بنت النجف
