شعر شعبي عن المعتقلين , شعر للسجناء , شعر لمعتقلي التيار الصدري
ياحكومه اسئل بعضكم هالسـؤال
ليش لسه اعقولكم بيهــــه الجهل
الحارب امريكان كون امن العراق
تاج يلبس مــــــــــــو تخلو معتقل
ألدول لمن خذونـــــــــه الأحتلال
عالعـــــراق اتگول بالذله انشمل
وهوه هذا المعتقل خله العــــراق
بالشجاعه اتخاف من عنده الدول
ليش تعتقلونه مــــــو هذا شريف
وشالته الغير وطلع حــارب هبل
ألبعض ختلو من أصوات الرصاص
وهوه يتلگه الـــــدروع وما ختل
قبلوا لدبابه بالشارع تفــــــــوت
وهوه أبو الغير ضربهه وما قبل
الدعوه شنهو الخلته ايضل بالسجون
يلي حاكمته أذا واحــــــــــد سئل
راجع الدعـــــوه بعد وقراهه زين
ما كتله اعراقــــــــي أمريكي كتل
اللسان الحاكمه وصدر قــــــرار
بجــــاه دم حسين ينصاب ابشلل
لمن طب السجن يزحف أبنه چان
وهسه صف الرابــع اوليده وصل
نزلت دموعه بسچنكم والدموع
مو على ظلمه ولا شوگ الأهل
هذا تربات الصدر وكت الصلاه
دعه السيدي مقتدى ودمعه نزل
شنهو ذنبه وينسجن كل هالسنين
يالحكومـــه اعليكم المهدي زعل
خلو بين عيــــونكم رب السماء
يالحكومــــــه وخلو لعياله أمل
گعدو هسه ابينكم صدرو القرار
كل مقاوم گولو يطلع بالعجل
الشاعر
احسان القريشي
رد مع اقتباس
