هنا

[فقار الكرخي]

ألحسين يندب العباس / لطميه
************************
ظل بعويلك يا گلب ظل بعويلك / سافر خليلك يا گلب سافر خليلك
راح ابن ابوي الوفاي للخيم ما رد بالماي
***********************
سافر كافل ضعوني وحدي بهالجمع ظليت
حزامي بساعة الشدة عامود اليشيل البيت
گبله الصحبة والأنصار وهوه آخر اهل البيت
يم العلگمي مطروح بروحي ينفده يا ريت
منهو بگالي يا گلب منهو بگالي / هذا الجرالي يا گلب هذا الجرالي
هوه الألم هوه ادواي للخيم ما رد بالماي
***********************
يا گلبي شكثر عصرات مرّن من رحيل امي
ياهي اللي تمر بيّه أحمله بحكم عزمي
لكن من وگع عباس وما رد جوده لخيمّي
أشعر سبعة عالسبعة انطبگن من ثگل همي
صابوله عينه يا گلب صابوله عينه / واسمع ونينه يا گلب واسمع ونينه
يرفع بيا أيد الواي للخيم ما رد بالماي
**************************
هَد بصيحته حيلي من ناداني خويه حسين
غدارة اغدروا بيّه وچن حد صارمه هالبين
مدري بيا كتر واگع گمت اركض وادير العين
لنّه اعله النهر مكسوف ويمه طاحن الچفين
ظهري تكسّر يا گلب ظهري تكسّر / چبدي توذر يا گلب چبدي توذر
واتشمتت بيّه اعداي للخيم ما رد بالماي
***************************
راسه بحجري انظرله وامسح من جبهته الدم
خاطبني بحچي امودّع منه صدري اتهشم
گال وصوته رن باذني ما أرجع للمخيم
سكنه شلون اصد ليهه وهيّه بحالي ما تعلم
أمسح دمومه يا گلب أمسح دمومه / هد حيلي يومه يا گلب هد حيلي يومه
چن طاحن ابصفه اعضاي للخيم ما رد بالماي
*************************
فاضت روحه وعيوني تشبح ليه واجر حسرات
فرّگنه الدهر يا حيف ما اشوفه بعد هيهات
عسكر چان ابو فاضل بحضني هالمعسكر مات
هالخدّر شاگللهن تحچي عني الدمعات
ظل عالشريعة يا گلب ظل عالشريعة / يمه الوديعة يا گلب يمه الوديعة
نيرانه تلهب بحشاي للخيم ما رد بالماي
**************************
قاسم حسين المندلاوي

[~تناهيد~]

شكرااا جزيلا

[سـجاد محـمد]

مئجور حبيبي

[3laa]

جزاك الله خيرا

[الملاذ الاخير]

عظم الله أجورنا وأجوركم بذكرى أستشهاد أبا عبد الله الحسين وأهل بيته الاطهار ( عليهم السلام )
عاشت ايدك فقار

[الطالبة]

عظم الله اجوركم واجورنا بمصاب ابالاحرارعلية السلام
شكرا اخ فقار ع المجهود

[علي الشمري]

احسنت اخي

[فقار الكرخي]

نورتو الموضوع