هنا

[فقار الكرخي]

ليل ونار
وجناح الخيم بي حركه من عباس
ومامش كطره للغيره التطفي الخوف
............بس واهس ذبح يفتر براس الناس
حيره اتحزمت بين القلق والراي
وفشلت سلف تاهت والوجوه هواااي
.............بس ردت لهلهه ومالكت كل راس
ديره ابلا..عبي ..وبعقولهم شيطان
عبادة ونسهم سجدو اعله الكاس
فكوو بوبهم ..بس عصبو قرأن
عقول ابلا سراط..ولاجهنم غااااد
باعوو ..كل كصصهم من لكوو ..دينار
اشترو بيهن امتون ابعمر مال ازغار
ناس ابلايه عفه وغيضهم معمور
ابسلفهم جانت (آيه)الشرف منهه ايغار
زينب زتت للشمس عفه افياي
زينب غصن حيدر ماحتاجت مااي
موش اوحيده جانت
زينب امن اتريد
بس عباس عدهه وعدهه جان هواااي
بس باطل الناس وحجو عنج غيض
ياأول جرح راسم ضوه اعله الليل
مره مره والطف غميج وبيج وشلت حيل
بيش ارثيج يم العافيه المتروسه بالخوه
الموت الطب اخوتج
قبل لتشيلين راسج لله اجاج وشهك بالعطوه
يمدللت حيدر
بيش شلتي الروس
حنينه اعله اخوتج والروس كلهه اعزاز
يشجرة عفه جنتي وجيشهم من فووس
يصوت ابين جيش اخرس
يليل وبيج ون اندس
يقرأن الصبر واقدس
يروح الزهره والعباس حيدر بيج يتنفس
يأآيه وبالطف انخطت
وعله السان الهوه الفضت
مامفروضه ونفرضت
عله ابكلب الف وكسور بت حيدر امس خلت
والله هناك يدري شصار
زينب يدري بيهه بهاي ماتهتم
زينب بالكمر تهتم
ماتشتم هوه الماشامه العباس
الهوه البي ريحة امهه وموش ريحة دم




ميثم المياحي

[زمرد الشمري]

شكرا اخي ع القصيدة

عظم الله اجرك

[سمراء من قوم عيسى]

شكرالك

[علي الشمري]

عاشت ايدك اخويه

[زهرة الرمان]

لله لله يافقار

[ولاية علي]

عاشت اﻻيادي اخي
بارك الله بك

[فقار الكرخي]

نورتو الموضوع