جمره جمره وبيه جمره .... طفله وفكت الاهل
نظره نظره شلون نظره .... مات بيه الامل
ــــــــــــــــ
يذبل ربيع العمر...شفت بحور الصبر
طفله دلالي جمر .... مفاركه روح
ذاك ابويه على رمح ...بسده مذبوح الصبح
شخله بيه ياجرح ... والحسره متروح
دمعه دمعه .انه دمعه ....بت علي خير العمل
ـــــــــــــــــ
علرمح شفت الضوه ...ونرفع يمه الهوه
نبقه على تلال بلا دوه ....وبصدري محراب
مصله صاير للحزن ...كل جرح بيه يون
وانه يدري لو احن ... وحبابي غياب
عني عني .تروح عني ...بس حزن بلقلب ظل
ــــــــــــــــ
بويه نزلت دمعتي ..... تبجي لوعه فركتي
منهو يطفي جمرتي ..... وجروحي تغفه
عله تكبر بدمع ...بيه ونه تنسمع
يمته كلي نشتمع ...حالي شيصفه
حزني حزني .شكبره حزني ....هذا وي دمعتي نهمل
ــــــــــــــــ
هم ترد من غيبتك ...بعيني اكحل شوفتك
وانت تدري عزيزتك ....من بعدك تموت
طول علينه السفر ...عمي مارد خبر
شنهو ظل على نهر ....مايسمع الصوت
ردلي ردلي .بماي ردلي ...وابكه انادي للازل
ـــــــــــــــــــــــــ ــ
ماشربت انه عذب ...نار جبدي تلتهب
وانته نايم على ترب....يبويه وماريد
جمره ادري بجبدتك.....بدمعي ابلل شفتك
بلعذب جن صورتك ....وتشيلك للابد
كلبي كلبي. انصاب كلبي.....هرشه يبويه ذبل
ـــــــــــــــــــــــــ ـــ
تمت الان
27ـــ 10 ـــــ 2014
بقلمي الشاعره شهد المعموري
رد مع اقتباس
المشاركة الأصلية كتبت بواسطة الطالبة
