قصيدة جديدة وحصرية للشاعر المبدع مصطفى عادل بعنوان الضرير
.
.
.
فحطن اجدامي وعيني ماشافت ناس ..
.والدرب بس خطوات والحيل انمل ..
..امشي بدرب والخطوه تصرخ مكيود ....
.لحد ماكمت بين الجفوف اتختل ...
.اتوجه وتعثرني نظرات الناس ...
.خاف اوكع وساعتهه من روحي اخجل ...
..تايه نظر صاحولي والظلمهه تعيل ...
.وانه بطريق كلوبهم كلشي اندل ..
.علصوت افرزن واذني مليانه حلوك .
.واعرف وجوه الوادم من اشهك ظل ...
.واعرف منو العبرني وبنيته الخير ....
واعرف منو العبرني شارع بالذل ..
..واعرف منو الي كلي شتحس شتشوف ...
.وهذا السؤال يدور بكلوب الكل ...
اتخيل انته مغمض وكلشي تشوف ...
هيج انه عايش على الاقل اتخيل ...
كل احنهه عدنه عيون بس النظرات ..
.مو كل بصير يعرف نية المنجل ....
ومو كل شحيحه شوف نزكيهه بشوف ...
مرات جلمة عافيه تصير الحل ...
بيه بصيص من الامل وامشي براي ...
ربك يسدلك باب ويعوف الكل ...
ومابيه حيل الهث واكول تعافيت ...
ولا انه ذاك البلخلك يتوسل ...
محتاج وادم ماتباوع بعيون ...ب
كلوبهه تفرزن النيه شتحمل ...
الماشاف غبشه تحومره صباح الخير ..
بجفونه ام عريس مات تهلهل...
من الزم ملامح وجهي يندار الليل ....
واعصر بروحي وخاطري اليتبلل ...
ضاكت الدنيا بعيني بس ماجليت ...
بروحي خضار بنادم شلون اذبل ...
وماريد اشوف وجوه مابيهن ماي ...
خلوني احس بالورده لمن تزعل ...
ولاريد اشوف الليل لابس يالون...
خلي بعيني يطول حتى اتغزل ...
خاف من افتح وجهي الكا مبيوك ..
وترجع بعيني الظلمه تحله واقبل ..
خلوني فدوه أتشأم انطش بالكَاع
محتاج اصيرن مره وحده مدلل
<span style="font-size:37px"><strong><span style="color:#ffa500"><span style="font-family: franklin gothic medium">
[IMG][/IMG]
رد مع اقتباس
