شائت ألأقدار
شاءت الأقدار تجري بكربله=ميسره تروح اليزيد العايله
قـرر وشــاء الإلاه=يشاهد حسين بدماه
ميسره اتروح اليــزيد العايله
شاءت ألأقدار تجري بكربله
===========
أيها المقتـول ظلماً=في بوادي كربلـه
شيدت للدين ركناً=في دماك السـايله
على راس الرمح راسك= يقرَه حمد وبسمله
هاي إراده من الجليل=بالطف يشوفك قتيل
ميسره تروح أليـــــــزيد العائله
شاءت ألأقدار
==========
أيُها المقتولِ ضامي=يبن سيد ألأنبـياء
شـيدت مجداً تليداً=في ميادين الإباء
شامخاً مثل الرواسي= شيدت للعز بناء
رغم أنف الظالمين=خالد بطول السنين
أصبحت نبراس يضوي مشعله
شاءت ألأقدار
=============
بنهضتك يبن ا لزجيه=رسـيت منهج للأباة
علمت كُل ألبـريه=ترفض أحــــكام الطغاة
ما ردت كرسي ورئاسه =ولاجنت طالب حيات
من شفة دين الرسول= تحكمت بيه الذيول
أرخصت دمك يبو اليمه ألهَ
شاءت ألأقدار
============
ثورتك يـبن الهواشم=حَـقَقت بيهه النجاح
أنتَ مو طالـب الدنيا=طــالب الدينك إصلاح
حققت رغبت ألهادي=أحيت حـيَّ على الفلاح
بدمك وكطع الوتين=ثبت دين ألله ألمبين
رغم أنوف الجاهله
شاءت ألأقدار
=============
يلي تنشدني وتكلي=شل سبب خالد حُسين
هاك أسمع سرخلوده=أسمع شكـل الأمين
حسين مني وآني منه=حسين شوفي ونظرعين
حسين بعـدي يقيم ديني=حسين قـُرأنً مـبـين
حسين عنوان الرساله=يضحي بطفاله ورجاله
يصير كعــبه بكربله
شاءت ألأقدار تجري ابكربله
===========
ضـحى أبوالسـجاد نـفسه=ضحه عباس البطل
ضحه بالأكبر وجاسم=ضحه شـــــــــــبان وطفل
ضـحى فـرسان الهـواشم=بالخـيم مـــا ظل رجـل
بس علي السجاد ضامي=من المرض جسـمه نحل
كان حق على ألإله=يكرمه ويـرفع لواه
في سبيل الله ضحى بكُل هله
شاءت ألأقدار
=========
ضحه روحه وأهل بيته=ضحه بالطفل الرضيع
ضحه أبو فاضل العمده=على النهر جفه قطيع
ضحــــــه بالحره سبيه=لبن مرجانه الوضيع
هاي أسرار الخلود=صار كعبه للوجود
تحجَه بل آلاف كُل ساعـه المله
صاركبر حسين كعبه=تحـــجه آلاف ألألوف
تهتف بأسمه وتلــبي=مثل مــا بالحج تطوف
سيل جارف بأربعينه=تزحف الوادم أزحوف
موش بس شيعة الزهره=تحرم بأرض الطفوف
من جميع ألأمم تزحف=بحب ابوالسجاد تهتف
تعتني اتزورالغريـب مهروله
شاءت ألأقدارتجري ابكربله
ميسره تروح ليزيد العايله
خادم الحُسين ع
سيد كاظم الشرع