هنا

[3laa]

مـاطـاب جـرح امـصـيـبتك - عاشر اگلوب احبابك
بـيـنـه انـتـه تـجري اويه الدمه - وانحوم فوگ اترابك
اتـغـيـب واتـعـود الـشـمـس - يـالماعرفنه اغيابك
مـعـروف لـو جـار الـزمـن - بـجروحنه ندگ بابك
كـل يـوم انـشـاهـد هـالـحـالـه من يگصد محتاج
يـرجـع والـبـسـمـه اعـلـى اشفافه يرجع لابس تاج
لگيـنـه الـحـل ولا نـقـبـل نـعـشگ ثـاني اوياك


يـحـسـيـن سـر امـحـبـتـك - بـيها البشر محتاره
وإلـيـنـبـض ابـدمّـه الـعشگ - يتعمّد اعلى اخطاره
مـايـمـنـع الـوادي وجـبـل - طـول الـبحر عبّاره
بـس انـتـه لـوزاد الـخـطـر - يـكـثر عدد زوّاره
تتزاحم عالموت احــــبابـــــــك تتعنّه الأخطار
وإلـيـوصـل أول يـتـشرف يرفع كلمة ثــــــار
يـمـوت أوّل ولا يـقـبـل يـعـشگ ثـانـي اويـاك


مـوعـجـبـه لـو وسـط البحر - موكب عزاك انشوفه
والـمـوج يـشـعـر بـالألـم - مـن يلطم اعلى اجروفه
اسـمـك نـعـرفـه ابـكـل لـغـه - محّد يغيّر احروفه
مـاعـدنـه سـر ويـخـتـفـي - وأفـكـارنه المعروفه
كـل مـوكـب يـتـصـدّر فـكـره وكل منبر دستور
لـتـظـن بـقـعـه ابـهـذا الـعـالـم ماتعرف عاشور
يـجـي ويـرحـل ولا نـقـبـل نـعـشگ ثـاني اوياك


نـتـفـنّـن ابـنـوع الألـم - كـلـمن اوعنده اسلوبه
كـل ضـربـه تـطـبـع بـالصدر - لوحة حذر مكتوبه
والـلـي يـشـاهـد بـالـعـزه - أم الـحسن مصيوبه
اشـعـنـدك اتـلـومـه بـعـد - لـمـن يـمزگ ثوبه
شـفـنـه إلـمـامـر اعـلـى الدنيه شفنه اشكال اشكال
مـن قـامـت واحـنـه ابـهـالـحـــاله مايتغير حال
فـلا نـنـذل ولا نـقـبـل نـعـشگ ثـانـي اويـاك


نـتـمـيـز ولـون الـحـزن - مـاتـخـتـلـف ألوانه
واتـشـوف دمـعـه ابـكـل جفن - لازم نعيش احزانه
وإلچان مــاعـنـده وإجـو - زوّارك إلـصـيـوانـه
تـوصـل يـبـيـع اشـمـا مـلـك - بس مايسد بيبانه
وإلـبـاع إلـعـنـده ومـا عـنـده ويـتـبسّم للجاي
هـذا ايـنـومـه وهـذا ايـوكـلـه وهـذا ايشربه الماي
إلـك نـسـأل ولانـقـبـل نـعـشگ ثـانـي اويـاك


نـحچي اعـلـى عـاشـورك سـنـه - والمده ما محدوده
نـخـتـم وأبـد مـانـعـتـرف كـل واحـد ومجهوده
كـلـمـن يـروح إلـمـهـنـتـه - ابيوم الأجر موعوده
زوّار والــنــاعـي وخـدم - والـشـاعـر ورادوده
تـتـسـاوى الـنـاس ابـعـاشـورك واحد كلها اتصير
نـفـس الـحـرقـه ونـفـس الـدمـعه ومايحدث تغيير
فـلا تـنـمّـل ولا تـقـبـل نـعـشگ ثـانـي اوياك


مـرّات يـاخـدنـه الـزمـن - بـمـصـايـبه وحسباته
لــكـن إذا هـل الـشـهـر - لازم تـرف رايـاتـه
نـسـكـت سـنـه وگالـوا مضت - فتره ونسوا ثاراته
مـيـنـام بـركـان الـغـضـب - لـتـأمِّن ابسكتاته
صـح الأقـدار اتـفـرگنـه وكـلـمـن راده ايـريـد
لـكـن نـتـجـمّـع بـالـشـدة ونـلـزم إيـد بإيد
نـصـيـر أجـمـل ولا نـقـبـل نـعـشگ ثاني اوياك


للشاعر :عبد الخالق المحنـــــــــــــــــة

[الريم]

سلمت يمناك اخي

[♥ شّـمِوِخٌ ـ آمِرآة♥]

سلمت يداك اخِ

[3laa]

عظم الله أجوركم
أخت ريم
أخت شموخ أمرأة
شاكراً مروركم الكريم

[ولاية علي]

سلمت اﻻيادي اخي
في ميزان حسناتك

[3laa]

سلمت اﻻيادي اخي
في ميزان حسناتك

عظم الله أجركـِ أختي
شاكرا مروركِ الكريم