مشاركتي الرابعة في مسابقة سباق الكلمات ((جان كل ضنهم سبوها )) بقلمي المتواضع
جان كل ضنهم سبوها زينب الحرة خذوها
راحت اعلام العقيلة بكل فخر حيدر ابوها
_ _ _ _
تروي قصة كربلة حلت اصعب مسألة
مشت وية العايلة أتوهمو ما اسروها
أسروها من يكول كلمة ماتدخل عقول
تسأل وضلت تكول احتارو وماجاوبوها
_ _ _ _
عافت اخوتها ضحايا عون راحت للسبايا
عالارض من تمشي آية بلا رحم من جتفوها
ماشكت حالتها دوم مطر نازل من غيوم
كوكب اترافك نجوم والكمر عباس اخوها
_ _ _ _
كلشي عافت في مكانة كل وكت كالت أوآنة
تنادي وفيت الأمانة اتذكرت يوم ألولوها
وصلت الكوفة تصيح بوية حيدر ياجريح
حسين عفته آنة ذبيح جفوف عباس اكطعوها
_ _ _ _
شافت الأكبر يقاتل شبه جدة النبي صايل
ينادي ويلة البينة عايل من حجت كل يسمعوها
تكول قاسم يوم عرسة ألحسن أي هوة نفسة
صار للأجيال درسة منجزاته يدرسوها
_ _ _ _
تحجي والتاريخ يكتب عاالجرى والصار تندب
على الدنيا النوب تعتب من رقية عذبوها
أشلون وافتها المنية طفلة حلمت بالهدية
كعدت ولنها سبية بالطشت شو راس ابوها
_ _ _ _ _ _
تمت بعون الله ونسألكم الدعاء بقلم اخوكم علي البدري
رد مع اقتباس
