مشاركتي الثالثة في مسابقة ايقاع الكلمات ((عمتي اين ابي )) بقلمي المتواضع
عمتي اين ابي / نادت الطفلة رقية
وين ابوي وصاحبي / ليش هسةآنة سبية
؛؛؛؛؛؛؛؛؛؛؛؛؛؛؛؛؛؛؛؛؛؛؛
روحي ياعمة تراها هاي ملهوفة عليه
والديه ياعمة اريدة لو يجيني لو اجيه
عمة دليني اعلى دربة حتى آنة امشي ليه
هذا ابوي ونضر عيني روحي صارت بين اديه
عمتي أين ابي / حتى نمشيلة سوية
وين ابوي وصاحبي / عمة شو مارد الية
؛؛؛؛؛؛؛؛؛؛؛؛؛؛؛؛؛؛؛؛؛
عمة هاي اعيوني رمدة انتضر يمسحهة بيدة
حتى آنة بعيني اشوفة ابشوفته اصبح سعيدة
آنة متعودة ابوجودة ساعي ويتاني بريدة
عمة ابو السجاد وينة والدي ياعمة اريدة
عمتي أين ابي / حتى الزمنة ابأدية
وين ابوي وصاحبي / وين ابن حامي الحمية
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛
أشعندي باارض الشام عمة ابغربة هاي آنة صفيت
باالمدينة جنت آنة الكربلة ألنوب آنة اجيت
جنت بالمحمل وأشاهد عمي عباس وحجيت
النوب باارض الشام عمة على رجلية مشيت
عمتي اين ابي / راح شو ما رد الية
وين ابوي وصاحبي / شوفتة اجمل هدية
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛
عمة كل ما انام احلم والدي آنة شفت
عمة اكعد ما اشوفة آنة من يمي خفت
كل اكل ما اريد عمة ليش جابو هاالطشت
عمة راس احسين هذا الشوفته كلبي يعت
عمتي أين ابي / راسة شو جابوه الية
وين ابوي وصاحبي / عمة لاكتني ألمنية
؛؛؛؛؛؛؛؛؛؛؛؛؛؛؛؛
تمت بعون الله ونسألكم الدعاء
بقلم خادمكم علي البدري
رد مع اقتباس
