هنا

[فقار الكرخي]

جربة موت بيدك ونته شلت الجيش
ما ضلت زلم وسط الجرب تدفع
قارنه الزمن والفعل والتعجيل
وي سرعة ذبحهم يا عقل يقنع !!
سيفك من دخل عباس جان شبيه؟
غيض الله بضربتك منه ضل يطلع
عود ارتاح سيفك من ترسهم موت؟
عله صريخ الجحافل الله ضل يسمع
الدنيا تروج گامت ما نفخ بالصور
ربك…دز ملك عباس خل يهجع
من طاحت جفوفك مو ضعف عباس
نذر للطف جفوفك گتله جف اگطع
من صاحت سكينه ما وصل بالماي؟
كلهه ادگول ميت ما گدر يرجع؟
طوفان بجربتك مو نهر عباس
تخاف بلا سفينه العيله تتبربع !!
زينب من درت عالتله گام تصيح
اخو خيتك عدل ما شوفك مگطع
الينخه بشاربك عباس تفني الكون
جا زينب لمن تنخالك شتقلع؟
ابو فاضل اسم بالحرب يعني الموت
اليمر عباس غصباً للذبح يخضع
سيفه يصول بيهم والرگاب اطير
گبل رمشة جفنهم روس ضل يشلع


م

[الريم]

الله شعر رائع
شكرا اخي

[علي الشمري]

السلام على ساقي عطاشى كربلاء

الدنيا تروج گامت ما نفخ بالصور
ربك…دز ملك عباس خل يهجع
من طاحت جفوفك مو ضعف عباس
نذر للطف جفوفك گتله جف اگطع

احسنت خويي

[فقار الكرخي]

نورتو الموضوع
مشكورين