هنا

[علي الشمري]

لفانه اهلال حزنك ياشهر عاشور
وجابلنه الحزن وياه والحسره

لبسنه احنه السواد اويهل دمع العين
شعلهه اگلوبنه لحد ماصفت جمره

جابلنه الطفوف العتبة البيبان
وتذكرنه العيال اشلون متيسره

وجابلنه الصبر والصبر وين يكون
بس يم العقيله الطاهره انحظره

وجابلنه الفرات وجود راعي الجود
وابجود ابو فاضل كلهه متحيره

يِقدم للحسين العين والچفين ؟
محتاره الخلگ شو داخو ابأمره

وسموه ابأسم ظل يذكره التاريخ
مدرسة الوفه او من يوصل الگدره

وجابلنه الحسين الهز ضمير الكون
وكل الكـــــون ياخذ مِنه العِبره

بحيث اصبح رمز للتضحيه وعنوان
مكتوبه الشهاده اوياه من زغره

القلم يحتار يوصف شنهو انطه حسين
ويخلص الحبر مايوصل الگطره

(علي الشمري)
(لمسابقة ايقاع الكلمات للشعر الشعبي)
٢٠١٤/١٠/٢٦

[تشيللو]

بوركت..احسنت النشر..

[علي الشمري]

بوركت..احسنت النشر..

شكرا اخي

[قلب من ورق]

بارك الله فيك يامبدع دئما قلمك الراقي يخط هنا أجمل ماقيل عن الحسين عليه السلام--تقبل مروري

[علي الشمري]

بارك الله فيك يامبدع دئما قلمك الراقي يخط هنا أجمل ماقيل عن الحسين عليه السلام--تقبل مروري

شكرااااا نورتي

[ضياء الصافي]

عاش قلمك الرائع
دمت مبدعاً

[علي الشمري]

عاش قلمك الرائع
دمت مبدعاً

اشكرك اخويه سيد ضياء الصافي

[فقار الكرخي]

احسنت
بوركت أقلام نعت الحسين
لك مني كل الود والتقدير
وكل كلام لسيد الشهداء يستحق التقييم

[علي الشمري]

احسنت
بوركت أقلام نعت الحسين
لك مني كل الود والتقدير
وكل كلام لسيد الشهداء يستحق التقييم

الله يسلمك اخويه الغالي

[ملاك الاحساس]

اهلا بالقلم الحُسيني البارع (( علي الشمري ))
احسنت وبارك الله فيك
بالتوفيق