هنا

[الملاذ الاخير]

لطمية لعلي الاكبر ( عليه السلام )
ومشاركتي الثانية في مسابقة ( أيقاع الكلمات )
*:* يبني وياشمعة عمر أمك *:*
*:*:*:*:*:*:*:*:*

يبني وياشمعة عمر أمــــــــــك
ريتك سالم وأشتم نسمـــــــك
أرجة بحالي ... وكل أمالي
ريتك سالم وأشتم نسمـــــــك
..................
ياشمعة حياة أمك ينور العين
ذاخرتك ييمة تفدي أبوك حسين
حاير وحدة تدري ومابقالة معين
ينادي وين اخوية وفزعت الصوبين
وحيد الغالي ... وكل أمالي
ريتك سالم وأشتم نسمك
..................
خذك دهري يالاكبر لحظة وبسرعة
وماخلاني أشوفك وانثر الدمعة
صبحت روحي بغيابك يبني منفجعة
ياشمعة فرحتي وأغلى كل شمعة
كل أحوالي ... وكل أمالي
ريتك سالم وأشتم نسمك
..................
يصنديد الحرب تشهدلك الميدان
بصولة يمنتك رجفت بني سفيان
هدمت الكفر وسلالة الطغيان
يسمونك علي الاكبر بطل عدنان
تشهد تالي ... وكل أمالي
ريتك سالم وأشتم نسمك
..................
حرموك العذب يبني ينور البيت
وفجعوني بمصابك والدمع هليت
وأكول بكَلبي يرجعلي الف ياريت
بس حكم القدر وحدي أنة ضليت
منو يبرالي ... وكل أمالي
ريتك سالم وأشتم نسمك
.................
أفرح من يمر طرواك وأتغنى
وارفع هامتي والراس أشيلنة
لجن وسفة الزمن يبني خذك منة
وخلاني وحيدة الموتي أتمنة
تبقى بالي ... وكل أمالي
ريتك سالم وأشتم نسمك
..................
أبوك حسين يهمل دمعتة ومحتار
من عكَب الكفيل وصحبتة الانصار
وأظن نار العطش بحشاه شبت نار
وأشد نار الوداع وفركة الاطهار
بحيرة الوالي ... وكل أمالي
ريتك سالم وأشتم نسمك
.................

خادمكم
أحمد الكَرعاوي

[علي الشمري]

عاشت ايدك اخويه الغالي

[الملاذ الاخير]

عاشت ايدك اخويه الغالي

هلا والله
وأنتة العايش اخي
أسعدني مرورك الجميل
وشكراً لتواجدك وتعطيرك صفحتي
ممنون للتقييم ولك مثله
ودي

[نـرٍجٍـس آلُِـمـوُسـوُي]

عاشت ايدك رؤؤعه جعله الله في ميزان حسناتك وجزاك الله خيرا

[الريم]

ابدعت اخي
بالتوفيق

[الملاذ الاخير]

عاشت ايدك رؤؤعه جعله الله في ميزان حسناتك وجزاك الله خيرا

وأنتي العايشة أختي العزيزة
أسعدني مروركم الجميل
وشكراً لتواجدكم الرائع
ممنون للتقييم

ودي

[الملاذ الاخير]

ابدعت اخي
بالتوفيق

الابداع بمروركم الجميل
شكراً لتواجدكِ اختي العزيزة
ودي

[ملاك الاحساس]

اهلا بالقلم الحُسيني البارع للمرة الثانية
احسنت وبارك الله فيك
بالتوفيق