السلام عليكم
يا امل منتضر يطلعلة الصباح
وياصباح اليطلع ابسود الليالي
يعني زينب تنتضر يوم الطفوف
تنتضر عبرة وجرح باجر تتالي
وشالت الخيمة وتشوف حسين
صاحت خوية كرب يم نوالي
خوية مطمن علة اصحابك امان
ما يخونوك ويتركونك تلالي
كلب زينب يرتجف منهم يخاف
يعوفونك وسط ساحة نزالي
كلهة خيتي اطمني ونعمة الصحاب
ما شفت صحبة بشر مثل الغوالي
وحسبتي احساب باجر يا عقيلة
تبقى اخيامج ابلا حارس او والي
خاف عبدالله الرضيع الليلة وياج
ترى باجر يضل المهد خالي
وحسبتي احساب باجر للخيام
منهو يحرسهن يضل الهن الوالي
وللدرب ذاك البعيد اهات
بعد اخوتج منو عد دمعج يبالي
دمعة والف دمعة ودمعج بحار
عجيبة عطشانة يازينب تلالي
... شعر شعبي
رد مع اقتباس
