الطف مع ال بيت رسول الله
*******
الله الله اويلي كربله الله الله اويلي كربله
ـــــــــــــــــــــــــ
الله واكبر ياطفوف شلون يسبون الحرم ..... ماخسفت شلون كلي بعين عباس السهم
مو شفت عبد الله ضامي بنحره هلطفل انفطم ..... يبجي كل حرف المصابه لو كتب القلم
ويلاه ويلاه نبله حرمله ..... الله الله اويلي كربله
ـــــــــــــــــــــــــ ـ
مو عفت يم الشريعه كمر مدمي بلا جفوف ..... كافل ضعوني يطفي كعبه صاير جروح
وانه كلي شلون اصدله بعيني ماكدر اشوف ..... بس نفس باكي على روحه وكصدت عليه الاوف
ويلاه ويلاه دمعتي سايله ...الله الله اويلي كربله
ــــــــــــــــــ
داست خيول البريه صدر اخويه وكسرته ............ راحت ورجعت جن ويه تراب ساوته
عاينت معرفت اخويه دم يغطي جبهته...... بيده لازم كتر اخويه رمح هذا بجبدته
ويلاه ويلاه صريع هذا بهل الفله ...... الله الله اويلي كربله
ـــــــــــــــــــــــــ
ياطفوف شبيه تنحب تعثر دكوم وتطيح ..... تكلي عمه وين ابويه قلبي ياعمه جريح
بين جنحاي اضمه رقيه اخافن تصيح ...... عمه ياعمه تتاني مايرد عفته ذبيح
ويلاه ويلاه خبر ماتحمله ..... الله الله اويلي كربله
ـــــــــــــــــــــــــ ــــــ
اخذ روحي اطفوف وعيفني بين الاحب ..... عمر ي ماكدر اعيشعه اخلافهم والله صعب
مثل نيران المخيم كلبي كل ساعه يشب ..... شلون اروح وعنهم ابعد ورده تبكه ويه العذاب
ويلاه ويلاه خليه القافله ..... ويلاه ويلاه اويلي كربله
ـــــــــــــــــــــــــ ـــــــــ
بقلمي الشاعره شهد المعموري
عظم الله لكم الاجر
رد مع اقتباس
المشاركة الأصلية كتبت بواسطة ساهرالليل
