هنا

[الشاعر علي البدري]

يمة ياعبدالله تسمع ونتي
يمة ليش اتروح وابقى ابحسرتي
هاي تشهد كربلة """""""""" من جرائم حرملة
من البجي أعلى اوليدي نشفت دمعتي

""""""""""""""""""""
يا ابو السجاد وين اوليدي صار
بعد مابية على افراكة انتضار
يمة عبدالله تعال وصدري داار
كلبي هذا اعليك يمة جنة نار
يمة ذبحوك الطغاة """""""" ليش سلبوك الحياة
صعبة من دونك ييمة حالتي

"""""""""""""""""""
هاي مو نبلة صفت بالركبة هاي
هاي ثلث اسهام جن صابن اجلاي
خذت مني الجان لعيوني ضواي
لأن كل ذنبة رضيع وراد ماي
ذبحت اوليدي الوحيد """""" من الوريد وللوريد
هاي كل الناس تروي بقصتي

""""""""""""""""""

ارد اسئلج ها ينبلة اعلى الجرة
شصار هاي اللحضة وأنتي ابمنحرة
اوليدي كمطته وجفوفي اتحضرة
وين صار اكماطة اديه امشمرة
رافع اجفوفة السماه """"" اي وحك موت الخذاه
ينخى ربه يكول ذبحتني امتي

""""""""""""""""""""
آه منج آاآاآه من جف الرماج
شلون هاي اللحضة كلبج طاوعاج
حرملة الملعون للركبة خذاج
أنتي كولي اشبيج يانبلة اشأجاج
ليش بالركبة القرار """""" جان غيرتي المسار
كولي صوب الريح صارت رمييتي

"""""""""""""""""
تمت بعون الله ونسألكم الدعاء
بقلم اخوكم علي البدري

[الملاذ الاخير]

عاشت الايادي وسلمت الانامل شاعرنة العزيز
شكراً لعبق أحساسك الحسيني

[علي الشمري]

عاشت ايدك اخويه

[ملاك الاحساس]

اهلا بالقلم الحُسيني البارع
احسنت وبارك الله فيك
بالتوفيق

[الشاعر علي البدري]

شكرا الكم احبتي على روعة مروركم وعضم الله اجورنا واجوركم

[الشاعر صادق الصافي]

راااااااااااااااااااااااا ااااائع احسنت

[الشاعر علي البدري]

راااااااااااااااااااااااا ااااائع احسنت

مرورك اﻻروع حبيبي نورت