هنا

[رمـْـْْـْــــــــآڊ]

مال العريس مال العريس عَمَال بينهَج كأنه كاتت ... مـن البوليس ومال العروسة في الكُوشة لابدَة .. والهيئة مقموصة بَسمة مَفيش .. مكياج مَفيش الدمعة نازلة وناس تواسي ... وناس تِطَبطَب طَب طَب مالك يا حلوة .... ما تعيطيش مين العريس ؟؟ مين العريس .. مـ القرايب ؟ ابن عمك .. ولا ابن خالك ؟ ولا صاحبِك ، ولا جارِك مين العريس غريب .. عاشق ودايب ولا عَجَبَة من العجايب وخايفة منهُ بَعد ساعة ... تطلع نتيجتهُ مالوش وخايب ما تفَهِمِينَا ما تفَهِمِينَا .. إيه الحَدُوتةَ قَصَر في أُوضة .. طلبتي بُني ... وِجَابها سودا بتبكي ليه يا ليلة ضَنك .. يا ليلة سودا أنافـ جَوازة .. ولا فـ جَنازة وَلا العِياط .. في الفَرح مُوضة يا ليلة سادة .. ماسخة زيادة يا اخوانا إيه إيه .. إيه ..... فين البُوفية طَلَعتو عِينا .. نَشِفتو رِيقنا لا شُفنا زفة .. ولا الصواني بتلف لفة فين البالوظة ... والاستاكوزا فين الجاتوه ... فين الكازوزا إيه الحكاية آدي الحكاية العريس .. حالف طَلاق .. حالف تلاته يا الطلاق .. يا العروسة .. تقوم تغني والعروسة .. في العياط داست زيادة الله أعلم مكسوفة منهُ .... أو .. رافضة يعني عشان يمينهُ ... العروسة قامت ورقصت وفـ كِسوفها ... قَبِت .. وِغَطَست العريس تِغِيلهُ مَغصَة ما اقتنعشي تُرقص لهُ رَقصَة راكب دماغة ... مِش مِدي فُرصة لازمن تغني .. لازمن تغني يا عريسنا ... ياللي واكسنا يا عريس .. مَشِيها رقصة ما كفاية رقصت .. حَبَكت تغني العروسة رفضت تغني . والخلاصة والباقي عندي واحد أفندي ... لقيتهُ جانبي مَيل عليهَ ( عليا ) وشوش في ودني وِلقيتهُ قالي شكل العريس ده .... ده مِش عاجبني كان عقلي فين .. لما وافقت إنه ينَأسِبني تُرقُص .. تِغني ؟ .. فَاكِرها فَوضَى طَب .. يمينهُ ماشي طلاق تلاتة من النهاردة تَقدَر تقُولي .. إزاي عروستهُ ها تقوم تغني وهي خَرسا ؟