ظلمتنا الحدود وكبلتنا القيود
وحلمنا باختراع يقرب بين القلوب
ولكن للاسف النُدرة فقط والقليل منا
من يستوعب معنى صرح منتدى ؟
ومعنى ان تجمعنا حروف الكلمة
:
التواصل
الله يرحم أيام زمان
زمن الكلام يوم ما كان
حروف ... بتكتبها القلوب
الله يرحم أيام زمان
زمن التواصل .مـ الشروق .. للغروب
نقرا ونسمع
في الغزل .. في السياسة والحروب
في اليأس .. وسطور الأمل
ونشجي بالكلمة الجروب
:
الشُعرا ... كترو في الحاسوب
اللي بيكتب
كلام ينخشش في النفوخ
واللي بيكتب .كلام ملهلب
لو سِمعتُه .. شُور تِدُوخ
واللي بيسلخ .. واللي بيطبخ
واللي جاي وفي ضهره زَفة
صقيفة جهلة .. عمالة تُنفُخ
واللي بيعرُج عالحروف
واللي .. بِيتَهتَه ... يا دوب
مش عايزة شك
نص الكتابة في الشعر عَك
والسبب
التواصل السبب
ضاع وضاعت .. لُغة الأدب
حاجة تاني .... جت في بالي
كل شاعر ...... جواه أناني
ده نرجسي ... وده معجباني
على ايه تواصل .. وايه يفيده
وليه ها يتعب .... خط ايده
على 1000 موقع .. يعرض بضاعته
وكل همه .. زُوار كتابته
اي شاعر .. ابداع ... جنونهُ
ويبقى أجمل
لو التواضع في الأصل لونهُ
للمجاملة ها نِزُوره مرة
ولو بان غروره
وانكشف مسار مرورهُ
اشارتهُ حمرا
يكفينا شعره .. ولون سطوره
واللي بيكتب
في العِجة يكتب أي هجص
واللي يحب العجة
ينطق ....يجي يجامل .. ويقوله عدس
النفوس
في المجاملة عينها عامية
والمجاملة على كِلمة هبلة
يبقى تشخيصها مريضة
يا كاتب
مش مهم تكتب قصيدة
مش مهم .. تتكتب ديوان
مش سباق في الكتابة
ولا مزايدة عالميزان
التواصل .. والتفاعل
يِلغُو الحواجز
يِلغُو المسافة .. وبُعد المكان
رد مع اقتباس