صاحت أمّ الخدر عطشانه الاطفال**أي يبن ابوي انته الكفلت العايلة
يبن ابوي انت الكلت كومي وتعاي** وانته كتلي الرجب كومي انحمله
روح يابو الفضل يم شاطي الفرات**وماكو غيرك يرصد الهل المنزلة
راح ابو فاضل كصد ملكه السهام** ونزل يم الماي بأول مرحلة
والسهام مغيمه اجت تمطر عليه**خافو من الماي بيده يوصّله
سهم بالجربه وكع والثاني بيه** وسهم البعينه غدر يتحمله
طاح بس العلم ضل ثابت شموخ**وفزع لجله حسين صبر ومرجله
**********
شاف اخوه عباس يم المشرعه**وهل دمعته عليه وضل محني اله
يكله يلله وياي للخيمه نروح** شلون اشوفك هيج يابو المرجله
كال خليني بمجاني وما اروح**لإن انا الماي كلت اتكّفله
وراس ابو فاضل رفض حضن الحسين** شما يحطه بحضنه عمده ينزّله
ايكله هل الساعة انا بحضنك اموت** خويه راسك ياحضن يستقبله
********
رجع محني الظهر ابو اليمّه ويلوج**وضل وحيد بنص سفوحج كربله
وزينب بصوت الحزينه اتصيح اخوي** وشجن حتى الصخر مايتّحمله
خويه صيحي بصوت وانا وياج اصيح**انكسر ظهري وهل الحرم ياهو ال اله
زينب العباس مكطوع الجفوف**و جثته يم الفرات امجندله
وجثته يم الفرات امجندله
بقلمي
كتبتها وعيناي تبكيان
عسى ان تنفعنا بيوم لاينفع به مال وبنون
معكم
سيد ضياء
رد مع اقتباس
المشاركة الأصلية كتبت بواسطة Mustafa _ALansary
