يا بدر الهواشم لاتغيب أبساع
أنجوم ال بالمخيم خاف تتكدّر
عذرا سيدي بالك تجرده السيف
هاي أركاب نتنه اتوسيفك امعفّر
أنت أكراب سيفك يكفي هاي الناس
أشوفه أعله الركاب الخاويه أمكدّر
الكتايب من ورق والسيف يلهب نار
أحسين أيلم عليه والسيف ظل يسعر
ماصدك أجفوفك بترتها أسيوف
وجفوفك منايا أشلون تتبتّر
بس جيش الكفر بثلث محاور جان
وانت أتحيرت شتلاكي يامحور
خذت محور وسط عندك أجفوف أثنين
واحد قاد يمنه أو واحد الميّسر
أو منو كال العلم فوك النهر ملفوف
اذا طاح العلم يعني الحرب تخسر
أبو فاضل هجم دك العلم عالرّاك
كال الماي عندي أولازم المعبر
أوزينب ما مشت ويّ الشّمر للشّام
أخو زينب كفيل أشلون يتعذّر
أو لان موضع الغيره أيصير وسط الراس
راسك عاف جثته او رافك الخدّر
أو مو حسبة سبايا أو روس فوك أرماح
بس رادوا قيادي أعله الدرب يكدر
لذلك قدّموا عالضّعن راس أحسين
بس هو الدّليل أو كلها تتاخّر
نسالكم الدعاء
رد مع اقتباس
المشاركة الأصلية كتبت بواسطة ملاك الاحساس
