من يهل عاشور بقلمي
من يهل عاشور تعمه اعيونَه
مو دمع دم ايتخاطف لونَه
..............................
من يهل عاشور بي نذكر حسين
نگضي كل ايامنه ابنوح او ونين
نلطم اعله الراس ونعفر الجبين
امسودنين ابحبك ايسمونَه
.................................
من يهل عاشور نعلنه حداد
وتصبح اثياب الحزن كله سواد
بصرخه وحده وتصعد لرب العباد
احنه شيعه وخلهم ايعرفونَه
....................................
من يهل عاشور بي حسره والم
حسره لحسين واخو راعي العلم
بالبطل عباس يحتار القلم
وحبره اصبح من نزيف ادموعنَه
.....…………………
من يهل عاشور تاخذنه الطفوف
لكربله وجيش ال اميه البلألوف
توسدت بحسين طعناة السيوف
وعالرمح راسه وبگه ايعذبونَه
...................................
من يهل عاشور ويمرنه الكَفيل
هوه عباس البطل حامي الدخيل
بحر هايج بالجيوش اشما يميل
اصل مدرسة الوفه ايخلونَه
................................
من يهل عاشور ويمرنه الصبر
نذكر اشدار اعله زينب من امر
شافت الشبان محزوزه النحر
وياجبل صبرچ الف خيعونَه
................................
علي الشمري / الاول من محرم المحرام والمصادف 2014/10/25 الساعه ١٠ صباحاً
رد مع اقتباس
المشاركة الأصلية كتبت بواسطة انين الانتظار
