مسابقة الكلمات= هل شهر الحزن والنوح === سيد كاظم الشرع
لوحه شعريه بحلول محرم /2014/م===1436/هج
===============
هل شهر الحزن والنوح ولعبره=كل الآه والوياه عله حسين وكطع نحره
يشيعه خل نروح نعزي المختار=ونعزي الزجيه الطــــــــــــاهره الزهره
ونعزي الحسين بكسرة الآضلاع= مثل دار البتول الخيــــــــــــم متسعره
نواسي حيدر الكرارحامي الجار= نشجيله مصيبة زينب الكبـــــــــــــــره
علي يل بالحرب معروف يامولاي=ضرباتك وتر ماتثني بالطبـــــــــــــره
لاجن الوكت غـــــدار ألف ياحيف=واليغدر زمانه ينقبل عـــــــــــــــــذره
لاجن سيدي منك فلا مقـــــــــــبول=بناتك تنسبي وحسين عل غبـــــــره
شمربالسوط يضربهن يبوالحملات=وزجريشتم أبوهه التضل متأخـــــره
تدري بالضعن لو سارتالي اللـيـــل=يريد رجال صلبه تحرسه وتنطــــره
وتدري بل كفيل عل النهرمطروح=بدون جفوف لا يمنه ولا يســــــــره
وبن حسين الكبر طاح بالميــــدان=من كثر الطعن جسمــــه ألف وذره
والعريس جاسم زفته بسيــــــوف= وعبدلله الطفل مـــــــن منحره يرّوه
ولأصعب وشد مولاي يا بوحسين= شمرعكب الكفيل ويا لضعن يبــــره
علي السجاد ناحل والمرض جتال=ودروب اليسر يا ابا الحسن وعـــــره
وزينب تنسبي وتسلب النســـوان=ومتون العقيله من الضرب حمــــــره
عفه صبرك يداحي الباب صبرايوب=بل أيوب من عندك اخذ صبــــــره
عذرا سيدي هوايه قسيت عليــــــك=من عظم المصايب ناري متوجــره
عذرا سيدي يابو الحسن معــــذور=لأن شاءت الباري وأنت طوع أمره
واليوم الزمن نفس الزمان يعود= وتعود السقيفه علينـــــــــه هل مره
لجن مو بالمدينه بالنجف مولاي=ونصافح اسامه نجله و نقـــــــــــدره
متى تظهريبو صالح تشهرالبتار=بوججه كل ناصبي سيف الحك تشهره
متى مولاي بيدك تسرجنه الخيل=الشيعه بهل وكت عل جمــــر منتضره
تاخذ ثار محسن والضلع والباب= وترجع فدك للطـــــــــــــاهره الزهره
تجدد دين جدك سيد الآنـــــام=على ربوع الوسيعه تنشره وتظــــــهره
على ربوع الوسيعه تنشره وتظهره
=========
سيد كلظم الشرع
رد مع اقتباس
