هنا

[واحد]

الشاعر حسنين العتابي

(وصية شجرة)
.................
وصيتي لليكص خشباتي وكت الموت
خل يصوغني فوك النهر ناعور
خل يصوغني فوك البيوت سكوف
من اشوفنلي فقير ارتاح اذا مستور
سوووني حطب ويدفي بردانين
ولاصيرن قفص تنحبس بيهه طيور
ولاعصة رمح لو عود مال اسهام
بهيج اشكال اليسويني ما معذور
هذني ارشيفهن من ينذكر ينعاب
هذني مشاركات بفاجعة عاشور
وغصني اعله الحنان تعلم من سنين
ومابي اي جزء من الرحم مهجور
ومايكسرله خاطر طير ايا كان
لان غصني ضريح اليحب بيه يزور
لاجل عين المحبة بعينه كلشي يهون
حط بجبده فاس ولا تغث عصفور
بفضل الله شلت كل الكرامة وياي
وما اجرت عزة العزة بيهةةتفور
اتراهن رهن عالهيبة خاف تكول
وما مجبورة اجذب وحجي حجي الزور
انه بلا روح ميته ولا خضار وياي
وارفع علم دولة بغصني المكسور
انه المصداق للميت اذا تنخاه
عدل لمن يجيك ويسكي كلبك نور
صنفي الجنة بس الخاطر الجوعان
ماعز روحي اذا يحتاجهة بتنور
كلش احترك لو اعاين الجوعان
يريد يمد ايديه بس ماكدر مجبور
الثمر فوكه يتلولح لجن مايتلاح
مايكدر يكطع جف اديه مبتور
طبع غصني يشيل ومايصيح الاه
يصبر لان يعرف بالصبر مأجور
ماحط روحه يوم ابين قيل وقال
وطبع ماعنده ياخذ غيبة العصفور
[IMG][/IMG]
‎

[علي الشمري]

حلووووووووووووو

[واحد]

تسلملي يا غالي